ہم بھی شکستہ دل ہیں، پریشان تم بھی ہو — اعتبارساجد
شاعر
ہم بھی شکستہ دل ہیں، پریشان تم بھی ہو
ہم بھی شکستہ دل ہیں، پریشان تم بھی ہو
اندر سے ریزہ ریزہ میری جان تم بھی ہو
ہم بھی ہیں ایک اجڑے ہوئے شہر کی طرح
آنکھیں بتا رہی ہیں کہ ویران تم بھی ہو
درپیش ہے ہمیں بھی کڑی دھوپ کا سفر
سائے کی آرزو میں پریشان تم بھی ہو
ہم بھی خزاں کی شام کا آنگن ہیں، بے چراغ
بیلیں ہیں جس کی زرد وہ دالان تم بھی ہو
جیسے کسی خیال کا سایہ ہیں دو وجود
ہم بھی اگر قیاس ہیں، امکان تم بھی ہو
مل جائیں ہم تو کیسا سہانا سفر کٹے
گھائل ہیں ہم بھی، سوختہ سامان تم بھی ہو
Ham bhi shikasta dil hain, pareshaan tum bhi ho
Ham bhi shikasta dil hain, pareshaan tum bhi ho
Andar se reza reza meri jaan tum bhi ho
Ham bhi hain ek ujde hue shehar ki tarah
Aankhein bata rahi hain ke veeran tum bhi ho
Darpesh hai hamein bhi kadi dhoop ka safar
Saaye ki aarzoo mein pareshaan tum bhi ho
Ham bhi khizaan ki shaam ka aangan hain, be-chiraagh
Bailen hain jis ki zard woh daalaan tum bhi ho
Jaise kisi khayaal ka saaya hain do wujood
Ham bhi agar qayaas hain, imkaan tum bhi ho
Mil jaayen ham to kaisa suhana safar kate
Ghaayal hain ham bhi, sokhta saamaan tum bhi ho
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں