کبھی تو نے خود بھی سوچا کہ یہ پیاس ہے تو کیوں ہے — اعتبارساجد
شاعر
کبھی تو نے خود بھی سوچا کہ یہ پیاس ہے تو کیوں ہے
کبھی تو نے خود بھی سوچا کہ یہ پیاس ہے تو کیوں ہے
تجھے پا کے بھی مرا دل جو اداس ہے تو کیوں ہے
مجھے کیوں عزیز تر ہے یہ دھواں دھواں سا موسم
یہ ہوائے شام ہجراں مجھے راس ہے تو کیوں ہے
تجھے کھو کے سوچتا ہوں مرے دامن طلب میں
کوئی خواب ہے تو کیوں ہے کوئی آس ہے تو کیوں ہے
میں اجڑ کے بھی ہوں تیرا تو بچھڑ کے بھی ہے میرا
یہ یقین ہے تو کیوں ہے یہ قیاس ہے تو کیوں ہے
مرے تن برہنہ دشمن اسی غم میں گھل رہے ہیں
کہ مرے بدن پہ سالم یہ لباس ہے تو کیوں ہے
کبھی پوچھ اس کے دل سے کہ یہ خوش مزاج شاعر
بہت اپنی شاعری میں جو اداس ہے تو کیوں ہے
ترا کس نے دل بجھایا مرے اعتبارؔ ساجد
یہ چراغ ہجر اب تک ترے پاس ہے تو کیوں ہے
Kabhi tu ne khud bhi socha ke ye pyaas hai to kyun hai
Kabhi tu ne khud bhi socha ke ye pyaas hai to kyun hai
Tujhe paa ke bhi mera dil jo udaas hai to kyun hai
Mujhe kyun azeez tar hai ye dhuaan dhuaan sa mausam
Ye hawaye shaam-e-hijraan mujhe raas hai to kyun hai
Tujhe kho ke sochta hoon mere daaman-e-talab mein
Koi khwaab hai to kyun hai koi aas hai to kyun hai
Main ujad ke bhi hoon tera tu bichhad ke bhi hai mera
Ye yaqeen hai to kyun hai ye qayaas hai to kyun hai
Mere tan barhana dushman isi gham mein ghul rahe hain
Ke mere badan pe saalim ye libaas hai to kyun hai
Kabhi poochh us ke dil se ke ye khush mizaaj shayar
Bahut apni shayari mein jo udaas hai to kyun hai
Tera kis ne dil bujhaya mere aitbaar-e-saajid
Ye charaagh-e-hijr ab tak tere paas hai to kyun hai
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں