میں تکیے پر ستارے بو رہا ہوں — اعتبارساجد
شاعر
میں تکیے پر ستارے بو رہا ہوں
میں تکیے پر ستارے بو رہا ہوں
جنم دن ہے اکیلا رو رہا ہوں
کسی نے جھانک کر دیکھا نہ دل میں
کہ میں اندر سے کیسا ہو رہا ہوں
جو دل پر داغ ہیں پچھلی رتوں کے
انہیں اب آنسوؤں سے دھو رہا ہوں
سبھی پرچھائیاں ہیں ساتھ لیکن
بھری محفل میں تنہا ہو رہا ہوں
مجھے ان نسبتوں سے کون سمجھا
میں رشتے میں کسی کا جو رہا ہوں
میں چونک اٹھتا ہوں اکثر بیٹھے بیٹھے
کہ جیسے جاگتے میں سو رہا ہوں
کسے پانے کی خواہش ہے کہ ساجدؔ
میں رفتہ رفتہ خود کو کھو رہا ہوں
Main takiye par sitare bo raha hoon
Main takiye par sitare bo raha hoon
Janam din hai akela ro raha hoon
Kisi ne jhaank kar dekha na dil mein
Ke main andar se kaisa ho raha hoon
Jo dil par daagh hain pichhli ruton ke
Unhein ab aansu'on se dho raha hoon
Sabhi parchhaiyaan hain saath lekin
Bhari mehfil mein tanha ho raha hoon
Mujhe in nisbaton se kaun samjha
Main rishte mein kisi ka jo raha hoon
Main chaunk uthta hoon aksar baithe baithe
Ke jaise jaagte mein so raha hoon
Kise paane ki khwahish hai ke Saajid
Main rafta rafta khud ko kho raha hoon
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں