مراسم اِس لیے پیدا کیے دربان سے پہلے — اعتبارساجد
شاعر
مراسم اِس لیے پیدا کیے دربان سے پہلے
مراسم اِس لیے پیدا کیے دربان سے پہلے
کہ دروازہ بھی آتا ہے کِسی کے لان سے پہلے
پھر اُس کے بعد تنہائی کے دُکھ بھی جھیلنے ہوں گے
یہی ڈر تھا رفاقت کے ہر اِک اِمکان سے پہلے
مناسب ہے کہ اپنے راستے تبدیل کر لیں ہم
کِسی اُلجھن، کِسی تلخی، کِسی خلجان سے پہلے
چمک اُٹھے ہیں بالوں میں منور تار چاندی کے
کِسی کے صحن میں دُھوپ آ گئی دالان سے پہلے
کریں گے گفتگُو بھی، گر ہمیں دُنیا نے مُہلت دی
ذرا ہم دیکھ تو لیں تجھ کو اِطمینان سے پہلے
میں شرمندہ ہوں رفتگاں سے جانے کیوں ساجد
بدل دیتا ہوں رستہ، روز قبرستان سے پہلے
Marasim is liye paida kiye darbaan se pehle
Marasim is liye paida kiye darbaan se pehle
Ke darwaza bhi aata hai kisi ke lawn se pehle
Phir us ke baad tanhaai ke dukh bhi jheelne honge
Yahi dar tha rafaaqat ke har ek imkaan se pehle
Munasib hai ke apne raaste tabdeel kar lein ham
Kisi uljhan, kisi talkhi, kisi khaljaan se pehle
Chamak uthe hain baalon mein munawwar taar chaandi ke
Kisi ke sehan mein dhoop aa gai daalaan se pehle
Karein ge guftagoo bhi, gar hamein duniya ne muhlat di
Zara ham dekh to lein tujh ko itminaan se pehle
Main sharminda hoon raftagaan se jaane kyun saajid
Badal deta hoon rasta, roz qabrastan se pehle
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں