مجھ سے مخلص تھا نہ واقف مرے جذبات سے تھا — اعتبارساجد
شاعر
مجھ سے مخلص تھا نہ واقف مرے جذبات سے تھا
مجھ سے مخلص تھا نہ واقف مرے جذبات سے تھا
اس کا رشتہ تو فقط اپنے مفادات سے تھا
اب جو بچھڑا ہے تو کیا روئیں جدائی پہ تری
یہی اندیشہ ہمیں پہلی ملاقات سے تھا
دل کے بجھنے کا ہواؤں سے گلا کیا کرنا
یہ دیا نزع کے عالم میں تو کل رات سے تھا
مرکز شہر میں رہنے پہ مصر تھی خلقت
اور میں وابستہ ترے دل کے مضافات سے تھا
میں خرابوں کا مکیں اور تعلق میرا
تیرے ناطے کبھی خوابوں کے محلات سے تھا
لب کشائی پہ کھلا اس کے سخن سے افلاس
کتنا آراستہ وہ اطلس و بانات سے تھا
Mujh se mukhlis tha na waqif mere jazbaat se tha
Mujh se mukhlis tha na waqif mere jazbaat se tha
Us ka rishta to faqat apne mafaadat se tha
Ab jo bichhda hai to kya royen judai pe teri
Yahi andesha hamein pehli mulaqaat se tha
Dil ke bujhne ka hawaon se gila kya karna
Ye diya naza' ke aalam mein to kal raat se tha
Markaz-e-shehar mein rehne pe musir thi khalqat
Aur main waabasta tere dil ke muzafaat se tha
Main kharabon ka makeen aur ta'alluq mera
Tere naate kabhi khwabon ke mahallat se tha
Lab kushai pe khula us ke sukhan se iflaas
Kitna aarasta woh atlas-o-banaat se tha
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں