مجھے ایسا لطف عطا کیا کہ جو ہجر تھا نہ وصال تھا — اعتبارساجد
شاعر
مجھے ایسا لطف عطا کیا کہ جو ہجر تھا نہ وصال تھا
مجھے ایسا لطف عطا کیا کہ جو ہجر تھا نہ وصال تھا
مرے موسموں کے مزاج داں تجھے میرا کتنا خیال تھا
کسی اور چہرے کو دیکھ کر تری شکل ذہن میں آ گئی
ترا نام لے کے ملا اسے میرے حافظے کا یہ حال تھا
کبھی موسموں کے سراب میں کبھی بام و در کے عذاب میں
وہاں عمر ہم نے گزار دی جہاں سانس لینا محال تھا
کبھی تو نے غور نہیں کیا کہ یہ لوگ کیسے اجڑ گئے
کوئی میرؔ جیسا گرفتہ دل تیرے سامنے کی مثال تھا
ترے بعد کوئی نہیں ملا جو یہ حال دیکھ کے پوچھتا
مجھے کس کی آگ جلا گئی مرے دل کو کس کا ملال تھا
کہیں خون دل سے لکھا تو تھا ترے سال ہجر کا سانحہ
وہ ادھوری ڈائری کھو گئی وہ نہ جانے کون سا سال تھا
Mujhe aisa lutf ata kiya ke jo hijr tha na wisaal tha
Mujhe aisa lutf ata kiya ke jo hijr tha na wisaal tha
Mere mausamo ke mizaaj daan tujhe mera kitna khayaal tha
Kisi aur chehre ko dekh kar teri shakal zehen mein aa gai
Tera naam le ke mila use mere haafize ka ye haal tha
Kabhi mausamo ke saraab mein kabhi baam-o-dar ke azaab mein
Wahan umar ham ne guzaar di jahan saans lena mahaal tha
Kabhi tu ne ghaur nahin kiya ke ye log kaise ujad gaye
Koi meer jaisa girafta dil tere saamne ki misaal tha
Tere baad koi nahin mila jo ye haal dekh ke poochhta
Mujhe kis ki aag jala gai mere dil ko kis ka malaal tha
Kahin khoon-e-dil se likha to tha tere saal-e-hijr ka saaneha
Woh adhoori diary kho gai woh na jaane kaun sa saal tha
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں