پھول تھے رنگ تھے لمحوں کی صباحت ہم تھے — اعتبارساجد
شاعر
پھول تھے رنگ تھے لمحوں کی صباحت ہم تھے
پھول تھے رنگ تھے لمحوں کی صباحت ہم تھے
ایسے زندہ تھے کہ جینے کی علامت ہم تھے
سب خرد مند بنے پھرتے تھے ماشاء اللہ
بس ترے شہر میں اک صاحب وحشت ہم تھے
نام بخشا ہے تجھے کس کے وفور غم نے
گر کوئی تھا تو ترے مجرم شہرت ہم تھے
اب تو خود اپنی ضرورت بھی نہیں ہے ہم کو
وہ بھی دن تھے کہ کبھی تیری ضرورت ہم تھے
دھوپ کے دشت میں کتنا وہ ہمیں ڈھونڈتا تھا
اعتبارؔ اس کے لیے ابر کی صورت ہم تھے
Phool thhey rang thhey lamhon ki sabahat ham thhey
Phool thhey rang thhey lamhon ki sabahat ham thhey
Aise zinda thhey ke jeene ki alamat ham thhey
Sab khiradmand bane phirte thhey masha-allah
Bas tere shehar mein ek saahib-e-wahshat ham thhey
Naam bakhsha hai tujhe kis ke wofoor-e-gham ne
Gar koi tha to tere mujrim-e-shohrat ham thhey
Ab to khud apni zarurat bhi nahin hai ham ko
Woh bhi din thhey ke kabhi teri zarurat ham thhey
Dhoop ke dasht mein kitna woh hamein dhoondta tha
Aitbaar, us ke liye abr ki soorat ham thhey
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں