ترے جیسا میرا بھی حال تھا نہ سکون تھا نہ قرار تھا — اعتبارساجد
شاعر
ترے جیسا میرا بھی حال تھا نہ سکون تھا نہ قرار تھا
ترے جیسا میرا بھی حال تھا نہ سکون تھا نہ قرار تھا
یہی عمر تھی مرے ہم نشیں کہ کسی سے مجھ کو بھی پیار تھا
میں سمجھ رہا ہوں تری کسک ترا میرا درد ہے مشترک
اسی غم کا تو بھی اسیر ہے اسی دکھ کا میں بھی شکار تھا
فقط ایک دھن تھی کہ رات دن اسی خواب زار میں گم رہیں
وہ سرور ایسا سرور تھا وہ خمار ایسا خمار تھا
کبھی لمحہ بھر کی بھی گفتگو مری اس کے ساتھ نہ ہو سکی
مجھے فرصتیں نہیں مل سکیں وہ ہوا کے رتھ پہ سوار تھا
ہم عجیب طرز کے لوگ تھے کہ ہمارے اور ہی روگ تھے
میں خزاں میں اس کا تھا منتظر اسے انتظار بہار تھا
اسے پڑھ کے تم نہ سمجھ سکے کہ مری کتاب کے روپ میں
کوئی قرض تھا کئی سال کا کئی رت جگوں کا ادھار تھا
Tere jaisa mera bhi haal tha na sukoon tha na qaraar tha
Tere jaisa mera bhi haal tha na sukoon tha na qaraar tha
Yahi umar thi mere ham-nasheen ke kisi se mujh ko bhi pyaar tha
Main samajh raha hoon teri kasak tera mera dard hai mushtarak
Isi gham ka tu bhi aseer hai isi dukh ka main bhi shikaar tha
Faqat ek dhun thi ke raat din isi khwab-zaar mein gum rahein
Woh suroor aisa suroor tha woh khumaar aisa khumaar tha
Kabhi lamha bhar ki bhi guftagoo meri us ke saath na ho saki
Mujhe fursaten nahin mil sakeen woh hawa ke rath pe sawaar tha
Ham ajeeb tarz ke log thhey ke hamare aur hi rog thhey
Main khazaan mein us ka tha muntazir use intizaar-e-bahaar tha
Use padh ke tum na samajh sake ke meri kitaab ke roop mein
Koi qarz tha kai saal ka kai rat-jagon ka udhaar tha
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں