تمہیں خیال ذات ہے شعور ذات ہی نہیں — اعتبارساجد
شاعر
تمہیں خیال ذات ہے شعور ذات ہی نہیں
تمہیں خیال ذات ہے شعور ذات ہی نہیں
خطا معاف یہ تمہارے بس کی بات ہی نہیں
غزل فضا بھی ڈھونڈتی ہے اپنے خاص رنگ کی
ہمارا مسئلہ فقط قلم دوات ہی نہیں
ہماری ساعتوں کے حصہ دار اور لوگ ہیں
ہمارے سامنے فقط ہماری ذات ہی نہیں
ورق ورق پہ ڈائری میں آنسوؤں کا نم بھی ہے
یہ صرف بارشوں سے بھیگے کاغذات ہی نہیں
کہانیوں کا روپ دے کے ہم جنہیں سنا سکیں
ہماری زندگی میں ایسے واقعات ہی نہیں
کسی کا نام آ گیا تھا یوں ہی درمیان میں
اب اس کا ذکر کیا کریں جب ایسی بات ہی نہیں
Tumhein khayaal-e-zaat hai shaoor-e-zaat hi nahin
Tumhein khayaal-e-zaat hai shaoor-e-zaat hi nahin
Khata muaaf ye tumhare bas ki baat hi nahin
Ghazal fiza bhi dhoondti hai apne khaas rang ki
Hamara mas'ala faqat qalam-dawaat hi nahin
Hamari saa'aton ke hissa daar aur log hain
Hamare saamne faqat hamari zaat hi nahin
Waraq waraq pe diary mein aansu'on ka nam bhi hai
Ye sirf baarishon se bheegay kaghazaat hi nahin
Kahaniyon ka roop de ke ham jinhein suna sakein
Hamari zindagi mein aise waqiyat hi nahin
Kisi ka naam aa gaya tha yoon hi darmiyaan mein
Ab us ka zikr kya karein jab aisi baat hi nahin
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں