یہ کیا حالت بنا رکھی ہے یہ آثار کیسے ہیں — اعتبارساجد
شاعر
یہ کیا حالت بنا رکھی ہے یہ آثار کیسے ہیں
یہ کیا حالت بنا رکھی ہے یہ آثار کیسے ہیں
بہت اچھا بھلا چھوڑا تھا اب بیمار کیسے
وہ مجھ سے پوچھنے آئی ہے کچھ لکھا نہیں مجھ پر
میں اس کو کیسے سمجھاؤں مرے اشعار کیسے ہیں
مری سوچیں ہیں کیسی کون ان سوچوں کا مرکز ہے
جو میرے ذہن میں پلتے ہیں وہ افکار کیسے ہیں
مرے دل کا الاو آج تک دیکھا نہیں جس نے
وہ کیا جانے کہ شعلے صورت اظہار کیسے ہیں
یہ منطق کون سمجھے گا کہ یخ کمرے کی ٹھنڈک میں
مرے الفاظ کے ملبوس شعلہ بار کیسے ہیں
ذرا سی ایک فرمائش بھی پوری کر نہیں سکتے
محبت کرنے والے لوگ بھی لاچار کیسے ہیں
جدائی کس طرح برتاؤ ہم لوگوں سے کرتی ہے
مزاجاً ہم سخنور بے دل و بے زار کیسے ہیں
Ye kya haalat bana rakhi hai ye aasaar kaise hain
Ye kya haalat bana rakhi hai ye aasaar kaise hain
Bahut achha bhala chhoda tha ab beemaar kaise
Woh mujh se poochhne aayi hai kuch likha nahin mujh par
Main us ko kaise samjhaoon mere ash'aar kaise hain
Meri sochein hain kaisi kaun in sochon ka markaz hai
Jo mere zehan mein palte hain woh afkaar kaise hain
Mere dil ka alao aaj tak dekha nahin jis ne
Woh kya jaane ke sholey soorat-e-izhaar kaise hain
Ye mantiq kaun samjhe ga ke yakh kamre ki thhandak mein
Mere alfaaz ke malboos shola baar kaise hain
Zara si ek farmaaish bhi poori kar nahin sakte
Mohabbat karne wale log bhi laachaar kaise hain
Judai kis tarah bartao ham logon se karti hai
Mizaajan ham sukhanwar be-dil-o-be-zaar kaise hain
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں