اپنے پہلے مکان تک ہو آؤں — اختر عثمان
شاعر
اپنے پہلے مکان تک ہو آؤں
اپنے پہلے مکان تک ہو آؤں
میں ذرا آسمان تک ہو آؤں
کوئی پیکر پکارتا ہے مجھے
سامنے کی چٹان تک ہو آؤں
جھڑتا جاتا ہے جسم روز بہ روز
کوزہ گر کی دکان تک ہو آؤں
سحر تشکیک! اب رہائی دے
میں کوئی دم گمان تک ہو آؤں
وقت اب دسترس میں ہے اخترؔ
اب تو میں جس جہان تک ہو آؤں
اختر عثمان
Apne pehle makan tak ho aaun
Apne pehle makan tak ho aaun
Main zara aasman tak ho aaun
Koi paikar pukarta hai mujhe
Samne ki chataan tak ho aaun
Jhadta jaata hai jism roz-ba-roz
Kooza-gar ki dukaan tak ho aaun
Sehar-e-tashkeek! Ab rihai de
Main koi dam gumaan tak ho aaun
Waqt ab dastras mein hai Akhtar!
Ab to main jis jahan tak ho aaun
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں