گرد باد — اختر عثمان
شاعر
گرد باد
بگولا
خاک زادہ فرش افتادہ
ہوا جاروب کرتی ہے تو اس کا جسم ڈھلتا ہے
سفر کی گردشیں سودائے باطن منتشر سوچیں
ہیولے سا بگولا
بے شباہت قیس زادہ
شہر کی گلیوں میں چکراتا ہے
خود میں چیختا پل میں کئی قرنوں کے بل کھاتا ہے
گرد زرد کا جھولا
بگولا
ہجر زادہ بلکہ ہجرت زاد
صحرا سے ابھی بستی میں آیا تھا
ڈرے سہمے ہوئے لوگوں کی آنکھیں حشر بستہ تھیں
ابھی دو چار گلیاں طے نہ ہو پائیں
خم و پیچ اس کی رہ میں آئے
ذرے کسمسائے
جسم کے اعضا جھڑے
آہستہ آہستہ اڑان اندوہ میں بدلی
اور اب لوگوں کے قدموں میں کوئی واماندہ گرد
بے کنارہ فتادہ ہے
فردا کی دھن میں کوئی ہو بس اک ہیولیٰ ہے
مرے باطن میں جو کچھ پیچ کھاتا ہے
ہیولیٰ یا بگولا ہے
میں پانی اور مٹی سے بہت ڈرتا ہوں
ہجرت سے گزرتا ہوں
ابھرتا ہوں بکھرتا ہوں
اختر عثمان
gard-baad
bagoola
khaak-zada farsh-e-uftada
hawa jaroob karti hai to is ka jism dhalta hai
safar ki gardishen sauda-e-baatin muntashir sochen
hayule sa bagoola
be shabahat-e-qais-zada
shehar ki galiyon mein chakrata hai
khud mein cheekhta pal mein kai qarnon ke bal khata hai
gard-e-zard ka jhoola
bagoola
hijr-zada balki hijrat-zaad
sahra se abhi basti mein aaya tha
dare sehme hue logon ki aankhen hashr-basta thin
abhi do chaar galiyan tai na ho payein
kham o pech is ki rah mein aaye
zarre kismisaye
jism ke aaza jhade
aahista aahista uraan andoh mein badli
aur ab logon ke qadmon mein koi wamanda gard
be kinara fatada hai
farda ki dhun mein koi ho bas ek hayula hai
mere baatin mein jo kuchh pech khata hai
hayula ya bagoola hai
main pani aur mitti se bahut darta hoon
hijrat se guzarta hoon
ubharta hoon bikhrta hoon
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں