اک سحر تحیر تھا کہ احساس کی رو تھی — اختر عثمان
شاعر
اک سحر تحیر تھا کہ احساس کی رو تھی
اک سحر تحیر تھا کہ احساس کی رو تھی
دن کو بھی نگاہوں میں شبیہ مہ نو تھی
ہم لوگ تو وابستۂ یک تار نظر تھے
معلوم نہیں اس کے سوا بھی کوئی لو تھی
تب ذہن پہ ظلمات کا پرتو نہ پڑا تھا
جھلمل تھے کمالات خیالات میں ضو تھی
پھر خواب خرد خوار سے بیدار ہوئے تو
ہر ذہن پہ زنگار تھا ہر چشم گرو تھی
خس خانۂ افکار میں کچھ بھی تو نہیں تھا
چند ایک شرارے تھے اور ان کی تگ و دو تھی
اختر عثمان
ek sehr-e-tahayyur tha ki ehsas ki rau thi
ek sehr-e-tahayyur tha ki ehsas ki rau thi
din ko bhi nigahon mein shabih-e-mah-e-nau thi
hum log to wabasta-e-yak taar-e-nazar the
maloom nahin us ke siwa bhi koi lau thi
tab zehen pe zulmaat ka partav na pada tha
jhilmil the kamalat khayalat mein zau thi
phir khwab-e-khirad-khwar se bedaar hue to
har zehen pe zangaar tha har chashm-e-garo thi
khas khana-e-afkaar mein kuch bhi to nahin tha
chand ek sharare the aur un ki tag o dau thi
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں