جو وہم ہے ڈر ہے پس پردہ نہیں نکلا — اختر عثمان
شاعر
جو وہم ہے ڈر ہے پس پردہ نہیں نکلا
جو وہم ہے ڈر ہے پس پردہ نہیں نکلا
بستی سے ابھی تک وہ بگولا نہیں نکلا
ہندہ کی طرح جسم ادھیڑا تھا ہوا نے
لیکن مرے سینے سے کلیجہ نہیں نکلا
کچھ ہم ترے معیار پہ پورے نہیں اترے
کچھ تو بھی کہ مشہور تھا جیسا نہیں نکلا
گو شہر میں پیمائش قد عام ہے لیکن
اک شخص بھی ہم قامت سایہ نہیں نکلا
پوشاک رفو کار کے کیا کہنے کہ اخترؔ
اک تار گریبان میں اپنا نہیں نکلا
اختر عثمان
Jo wahm hai dar hai pas-e-parda nahin nikla
Jo wahm hai dar hai pas-e-parda nahin nikla
Basti se abhi tak woh bagola nahin nikla
Hinda ki tarah jism udheda tha hawa ne
Lekin mere seene se kaleja nahin nikla
Kuch hum tere mayaar pe poore nahin utre
Kuch tu bhi ke mashhoor tha jaisa nahin nikla
Go shahar mein paimaish-e-qad aam hai lekin
Ek shakhs bhi hum-qamat saya nahin nikla
Poshak-e-rafu-kar ke kya kehne ke Akhtar!
Ek taar gareban mein apna nahin nikla
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں