میں عجب آدمی ہوں — اختر عثمان
شاعر
میں عجب آدمی ہوں
میں عجب آدمی ہوں
رائیگانی کے تسلسل نے مجھے توڑ دیا
میری پونجی مرے قرطاس و قلم
کچھ کتابیں پئے تسکین جنوں
کون طالب ہے بھلا مایۂ بے مایہ کا
کوئی جاگیر نہیں
زندگی شعر کے میلے میں گنوا دی میں نے
اس پہ نازاں تھا کہ ہر لفظ مرے
حلقۂ احساس میں ہے
اس پہ فاخر تھا کہ ہیں خواب
مرے کیسے میں
میں نے کیا کیا نہ فن شعر کی آرائش کی
لفظ در لفظ محل
حرف در حرف خیال
سطر در سطر جنوں
میں عجب آدمی ہوں
زندگی شعر کے میلے میں گنوا دی میں نے
اختر عثمان
main ajab aadmi hoon
main ajab aadmi hoon
raigaani ke tasalsul ne mujhe tod diya
meri poonji mere qirtas o qalam
kuch kitaben paye taskin-e-junoon
kaun talib hai bhala maya-e-be maya ka
koi jaagir nahin
zindagi sher ke mele mein ganwa di main ne
is pe nazaan tha ki har lafz mere
halqa-e-ehsas mein hai
is pe faakhir tha ki hain khwab
mere kaise mein
main ne kya kya na fan-e-sher ki aaraish ki
lafz dar lafz mahal
harf dar harf khayal
satr dar satr junoon
main ajab aadmi hoon
zindagi sher ke mele mein ganwa di main ne
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں