میں دیکھ ہی رہا تھا کہ یک دم بھنور پھرا — اختر عثمان
شاعر
میں دیکھ ہی رہا تھا کہ یک دم بھنور پھرا
میں دیکھ ہی رہا تھا کہ یک دم بھنور پھرا
گھوما صدف نگاہ میں اس میں گہر پھرا
سیدھے سبھاؤ زیست سمجھنا محال ہے
اس کام کو بھی چاہئے مجھ سا ہی سر پھرا
ہم تو سدا سے بستۂ یک تار چشم ہیں
خدشہ سا تیری سمت سے ہے تو اگر پھرا
یک دم کسی کی یاد میں آنکھیں بھر آئی تھیں
اک دن یوں ہی خیال سوئے چشم تر پھرا
اخترؔ زر سخن کی کسی کو طلب نہیں
میں تو اسے اٹھائے ہوئے در بدر پھرا
اختر عثمان
main dekh hi raha tha ki yak dam bhanwar phira
main dekh hi raha tha ki yak dam bhanwar phira
ghooma sadaf nigah mein us mein guhar phira
seedhe sabhao zist samajhna mahal hai
is kaam ko bhi chahiye mujh sa hi sar phira
hum to sada se wabasta-e-yak taar-e-chashm hain
khadsha sa teri simt se hai tu agar phira
yak dam kisi ki yaad mein aankhen bhar aai thin
ek din yun hi khayal su-e-chashm-e-tar phira
Akhtar, zar-e-sukhan ki kisi ko talab nahin
main to use uthaaye hue dar-ba-dar phira
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں