ملو کہ بعد میں شاید یہ سلسلہ نہ رہے — اختر عثمان
شاعر
ملو کہ بعد میں شاید یہ سلسلہ نہ رہے
ملو کہ بعد میں شاید یہ سلسلہ نہ رہے
یہ رنگ و گل نہ رہیں صحبت صبا نہ رہے
قریب تر ہے وہ عہد زیاں نصیب کہ جب
بشر بشر نہ رہے اور خدا خدا نہ رہے
وہاں بھی راہ بجھاتی ہے اپنے لفظ کی لو
چراغ چشم جہاں گل ہو راستہ نہ رہے
سفر میں چند مراحل کڑے پڑے ہیں تو کیا
ہمیں جنوں تھا کہ رستہ بجھا بجھا نہ رہے
ہمارے نام پہ گھونگھٹ اٹھا نگار صلیب
ہمارے سر پہ ترا کوئی بھی گلہ نہ رہے
اختر عثمان
Milo ke ba'ad mein shayad ye silsila na rahe
Milo ke ba'ad mein shayad ye silsila na rahe
Ye rang-o-gul na rahen sohbat-e-saba na rahe
Qareeb-tar hai woh ahad-e-ziyan-naseeb ke jab
Bashar bashar na rahe aur Khuda Khuda na rahe
Wahan bhi raah bujhati hai apne lafz ki lau
Chirag-e-chashm jahan gul ho rasta na rahe
Safar mein chand marahil kade pade hain to kya
Hamein junoon tha ke rasta bujha bujha na rahe
Hamare naam pe ghoonghat utha nigaar-e-saleeb
Hamare sar pe tera koi bhi gila na rahe
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں