نگاہ یوں بھی نہ ٹھہرے کہ درد سر بن جائے — اختر عثمان
شاعر
نگاہ یوں بھی نہ ٹھہرے کہ درد سر بن جائے
نگاہ یوں بھی نہ ٹھہرے کہ درد سر بن جائے
یہ سنگ چشم کسی ڈھب سے اب گہر بن جائے
کمال کوزہ گری ہے کہ میں جسے سوچوں
وہ نقش چاک پہ آنے سے پیشتر بن جائے
جدید عہد میں الٹا ہے ارتقا کا سفر
عجب نہیں ہے پھر انسان جانور بن جائے
میں چاہتا ہوں کہ چکنی چٹان پر ہی چلوں
یہ کیا بعید مرے بعد رہ گزر بن جائے
بہت نحیف نہیں ہے گرفت حلقۂ چشم
نظر اٹھے تو زمانے کی جان پر بن جائے
اختر عثمان
Nigah yun bhi na thehre ke dard-e-sar ban jaaye
Nigah yun bhi na thehre ke dard-e-sar ban jaaye
Ye sang-e-chashm kisi dhab se ab gauhar ban jaaye
Kamal-e-kooza-gari hai ke main jise sochun
Woh naqsh-e-chaak pe aane se peshtar ban jaaye
Jadeed ahd mein ulta hai irtiqa ka safar
Ajab nahin hai phir insaan janwar ban jaaye
Main chahta hoon ke chikni chataan par hi chalun
Ye kya baeed mere ba'ad rah-guzar ban jaaye
Bahut naheef nahin hai giraft-e-halqa-e-chashm
Nazar uthe to zamane ki jaan par ban jaaye
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں