آشکارا راز حسن کبریا کیونکر ہوا — امیر مینائی
شاعر
آشکارا راز حسن کبریا کیونکر ہوا
آشکارا راز حسن کبریا کیونکر ہوا
رہ کے سو پردوں میں عالم آشنا کیونکر ہوا
اے مسیحا میرے دشمن ہوں شفا سے ناامید
تو سلامت درد میرا لا دوا کیونکر ہوا
اپنا بندہ بھی مجھے کہتا ہے پھر محتاج بھی
تجھ سے شاہنشاہ کا بندہ گدا کیونکر ہوا
پوچھ لے قاتل زبان تیغ سے سب سر گذشت
کشتے کس منہ سے بتائیں کیا ہوا کیونکر ہوا
جیتے جی برسوں میں تڑپا تب نہ لی تم نے خبر
مر گئے پر پوچھتے ہو کیا ہوا کیونکر ہوا
میں نہ مانوں گا کہ دی اغیار نے ترغیب قتل
دشمنوں سے دوستی کا حق ادا کیونکر ہوا
میں نہ مانوں گا نہ آئینے کا ہے سارا قصور
خود بہ خود وہ خود پسند و خود نما کیونکر ہوا
اس نے کھینچی تیغ یاں سر جھک گیا قصہ مٹا
خلق یہ کیوں پوچھتی ہے ماجرا کیونکر ہوا
چاٹتی ہے کیوں زبان تیغ قاتل بار بار
بے نمک چھڑکے یہ زخموں میں مزا کیونکر ہوا
الفت گیسو بلا تھی مر گیا پھنس کر امیرؔ
ہے بڑا جھگڑا نہ پوچھو فیصلہ کیونکر ہوا
Āshkārā rāz-e-husn-e-kibriyā kyuñkar huā
Āshkārā rāz-e-husn-e-kibriyā kyuñkar huā
Rah ke sau pardoñ mein 'ālam āshnā kyuñkar huā
Ai Masīhā mere dushman hoñ shifā se nā-umīd
Tū salāmat dard merā lā-davā kyuñkar huā
Apnā banda bhī mujhe kahtā hai phir muhtāj bhī
Tujh se shāhanshāh kā banda gadā kyuñkar huā
Pūchh le qātil zabān-e-tegh se sab sar-guzasht
Kushta kis muñh se batāeñ kyā huā kyuñkar huā
Jīte jī barsoñ mein taṛpā tab na lī tum ne khabar
Mar ga'e par pūchhte ho kyā huā kyuñkar huā
Maiñ na mānūñgā ki dī aghiyār ne targhīb-e-qatl
Dushmanoñ se dostī kā haq adā kyuñkar huā
Maiñ na mānūñgā na ā'īne kā hai sārā qasūr
Khud ba khud vo khud-pasand o khud-numā kyuñkar huā
Us ne khīñchī tegh yaañ sar jhuk gayā qissa miṭā
Khalq ye kyuñ pūchhtī hai mājarā kyuñkar huā
Chāṭtī hai kyuñ zabān-e-tegh-e-qātil bār bār
Be namak chhiṛke ye zakhmoñ mein mazā kyuñkar huā
Ulfat-e-gesū balā thī mar gayā phañs kar Amīrؔ
Hai baṛā jhagṛā na pūchho faisla kyuñkar huā
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں