تمہیں کو جانا تمہیں کو سمجھے تمام عالم سے تنگ ہو کر — امیر مینائی
شاعر
تمہیں کو جانا تمہیں کو سمجھے تمام عالم سے تنگ ہو کر
تمہیں کو جانا تمہیں کو سمجھے تمام عالم سے تنگ ہو کر
دوئی کا وحدت میں دخل کیسا رہے ہمیشہ اکنگ ہو کر
نہاں تھا آنا کہ ہو نہ ظاہر عیاں تھا جانا کہ سب ہوں باہر
وہ دل میں آئے امنگ ہو کر گئے تو چہرے کا رنگ ہو کر
غضب ہے انساں دم مصیبت کرے جو انساں سے بے وفائی
کہ دیکھو چکی کی پاٹ کیسے بہم ہیں گردش میں سنگ ہو کر
نہ کور باطن ہو اے برہمن ذرا تو چشم تمیز وا کر
خدا کا بندہ بتوں کو سجدہ خدا خدا کر خدا خدا کر
جو اٹھ کے پہلو سے انجمن میں وہ دور بیٹھے ہیں مجھ سے جا کر
تڑپ نے درد جگر کے دل کو پٹک دیا ہے اٹھا اٹھا کر
جو آنکھ کھولی تو کچھ نہ دیکھا سحر کو سنسان سب سرا تھی
ہوا نہ ہم راہیوں سے اتنا کہ ساتھ لیتے مجھے جگا کر
نہ بھول اس زندگی پہ غافل نہیں ہے کچھ اعتبار اس کا
کہ راہ لے گی یہ اپنی اک دن عدم کا رستہ تجھے بتا کر
اسی کا ہے رنگ یاسمن میں اسی کی بو باس نسترن میں
جو کھڑکے پتا بھی اس چمن میں خیال آواز آشنا کر
بلا ہے حرص و ہوائے دنیا کہ جس سے چکر میں سب ہیں انساں
کیا پریشاں ان آندھیوں نے تمام ذروں کو خاک اڑا کر
یہ کس کی تیغ جفا کا یا رب ہر ایک دل پر ہے رعب غالب
ہلال کی ہے خمیدہ گردن سپہر چلتا ہے سر جھکا کر
شبیہ مد نظر ہے کس کی کہ کوئی پوری نہیں اترتی
مٹا دیے صانع ازل نے ہزاروں نقشے بنا بنا کر
ہو بزم جاناں میں حشر برپا تڑپ کا دل کی یہ تھا تقاضا
مگر بڑی مشکلوں سے روکا ادب نے زانو دبا دبا کر
Tumhin Ko Jaana Tumhin Ko Samjhe Tamaam Aalam Se Tang Ho Kar
Tumhin ko jaana tumhin ko samjhe tamaam aalam se tang ho kar
Doo'i ka wahdat mein dakhl kaisa, rahe hamesha ikkhang ho kar
Nihaan tha aana ke ho na zaahir, ayaan tha jaana ke sab hon baahar
Woh dil mein aaye umang ho kar, gaye toh chehre ka rang ho kar
Ghazab hai insaan dam-e-museebat kare jo insaan se bewafaai
Ke dekho chakki ki paat kaise baham hain gardish mein sang ho kar
Na kor-baatin ho aye Barahman zara toh chashm-e-tameez wa kar
Khuda ka banda buton ko sajda, Khuda Khuda kar, Khuda Khuda kar
Jo uth ke pehlu se anjuman mein, woh door baithe hain mujh se ja kar
Tarap ne dard-e-jigar ke dil ko patak diya hai utha utha kar
Jo aankh kholi toh kuch na dekha, sahar ko sunsaan sab sara thi
Hua na hum-raahiyon se itna ke saath lete mujhe jaga kar
Na bhool is zindagi pe ghafil nahin hai kuch aitbaar is ka
Ke raah le gayi yeh apni ik din, adam ka rasta tujhe bata kar
Isi ka hai rang yasmeen mein, isi ki boo-baas nastaran mein
Jo khadak patta bhi is chaman mein, khayal awaaz-e-aashna kar
Bala hai hirs-o-hawa-e-duniya ke jis se chakkar mein sab hi hain insaan
Kya pareshaan in aandhiyon ne tamaam zarron ko khaak ura kar
Yeh kis ki tegh-e-jafa ka ya Rabb, har ek dil par hai ro'b-e-ghaalib
Hilaal ki hai khameeda gardan, sepehr chalta hai sar jhuka kar
Shabih-e-mad-e-nazar hai kis ki ke koi poori nahin utarti
Mita diye saani-e-azal ne hazaaron naqshe bana bana kar
Ho bazm-e-jaana mein hashr barpa, tarap ka dil ki yeh tha taqaaza
Magar badi mushkilon se roka adab ne zaanu daba daba kar
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں