خط جو نکلا بوسۂ رخسار آساں ہو گیا — امیر مینائی
شاعر
خط جو نکلا بوسۂ رخسار آساں ہو گیا
خط جو نکلا بوسۂ رخسار آساں ہو گیا
کارواں آنے سے نرخ حسن ارزاں ہو گیا
کیا ہمارے گور پر ہے احتیاج روشنی
چار جگنو جب چمک نکلے چراغاں ہو گیا
سوز غم میں کچھ نہ پوچھو جلد تن کا مجھ سے حال
جل کے یہ کاغذ شراروں سے چراغاں ہو گیا
میرے چشم تر سے ہم چشمی کا رکھتا تھا خیال
پانی پانی یہ ہوا یا دل کہ باراں ہو گیا
دیکھ قاتل اپنے دیوانے کا جذب شوق قتل
جب گلے سے مل گیا خنجر گریباں ہو گیا
او کماندار اس کو کہتے ہیں ہجوم درد و غم
تنگئ دل سے سمٹ کر تیر پیکاں ہو گیا
آسیائے چشم لیلیٰ نے یہ پیسا دشت میں
بخت مجنوں سرمۂ چشم غزالاں ہو گیا
بوسۂ گیسو پہ اس نے ذبح کر ڈالا مجھے
ایک کافر کے لئے خون مسلماں ہو گیا
تھا مسلماں جب تلک مشتاق کافر تھا وہ بت
یہ ہوا کافر تو وہ ضدی مسلماں ہو گیا
نامۂ اعمال ہے جب تک نہیں ملتا امیرؔ
میرے ہاتھ آیا یہ اور میرا گریباں ہو گیا
Khat Jo Nikla Bosa-e-Rukhsaar Aasaan Ho Gaya
Khat jo nikla bosa-e-rukhsaar aasaan ho gaya
Karwaan aane se nirkh-e-husn arzaan ho gaya
Kya hamare gor par hai ehtiyaaj-e-roshni
Chaar jugnu jab chamak nikle charaaghan ho gaya
Soz-e-gham mein kuch na poocho jald tan ka mujh se haal
Jal ke yeh kagaz shararon se charaaghan ho gaya
Mere chashm-e-tar se ham-chashmi ka rakhta tha khayal
Paani paani yeh hua ya dil ke baaran ho gaya
Dekh Qaatil apne deewane ka jazb-e-shauq-e-qatl
Jab gale se mil gaya khanjar garebaan ho gaya
O Kaman-daar is ko kehte hain hujoom-e-dard-o-gham
Tangi-e-dil se simat kar teer-e-paikaan ho gaya
Aasiya-e-chashm Laila ne yeh peesa dasht mein
Bakht-e-Majnoon surma-e-chashm-e-ghazalaan ho gaya
Bosa-e-gesu pe us ne zabah kar dala mujhe
Ek kaafir ke liye khoon-e-musalmaan ho gaya
Tha Musalmaan jab talak Mushtaq kaafir tha woh but
Yeh hua kaafir toh woh ziddi Musalmaan ho gaya
Naama-e-aamaal hai jab tak nahin milta Ameer!
Mere haath aaya yeh aur mera garebaan ho gaya
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں