آج کی بات کو کیوں کل پہ اٹھا رکھا ہے — امیر مینائی
شاعر
آج کی بات کو کیوں کل پہ اٹھا رکھا ہے
وصل ہو جائے یہیں حشر ، حشر میں کیا رکھا ہے
آج کی بات کو کیوں کل پہ اٹھا رکھا ہے
محتسب پوچھ نہ تو شیشے میں کیا رکھا ہے
پارسائی کا لہو اس میں بھرا رکھا ہے
کہتے ہیں آئے جوانی تو یہ چوری نکلے
میرے جوبن کو لڑکپن نے چرا رکھا ہے
اس تغافل میں بھی سرگرمِ ستم وہ آنکھیں
آپ تو سوتے ہیں، فتنوں کو جگا رکھا ہے
آدمی زاد ہیں دنیا کے حسیں ،لیکن امیر
یار لوگوں نے پری زاد بنا رکھا ہے
Aaj ki baat ko kyun kal pe utha rakha hai
Wasl ho jaaye yahin Hashr, Hashr mein kya rakha hai
Aaj ki baat ko kyun kal pe utha rakha hai
Muhtasib poochh na tu sheeshe mein kya rakha hai
Parsai ka lahoo us mein bhara rakha hai
Kehte hain aaye jawani toh yeh chori nikle
Mere joban ko ladakpan ne chura rakha hai
Is taghaful mein bhi sargarm-e-sitam woh aankhein
Aap toh sote hain, fitnon ko jaga rakha hai
Aadmi zaad hain dunya ke haseen, lekin Ameer
Yaar logon ne pari zaad bana rakha hai
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں