اے ضبط دیکھ عشق کی ان کو خبر نہ ہو — امیر مینائی
شاعر
اے ضبط دیکھ عشق کی ان کو خبر نہ ہو
اے ضبط دیکھ عشق کی ان کو خبر نہ ہو
دل میں ہزار درد اٹھے آنکھ تر نہ ہو
مدت میں شام وصل ہوئی ہے مجھے نصیب
دو چار سال تک تو الٰہی سحر نہ ہو
اک پھول ہے گلاب کا آج ان کے ہاتھ میں
دھڑکا مجھے یہ ہے کہ کسی کا جگر نہ ہو
ڈھونڈے سے بھی نہ معنی باریک جب ملا
دھوکا ہوا یہ مجھ کو کہ اس کی کمر نہ ہو
الفت کی کیا امید وہ ایسا ہے بے وفا
صحبت ہزار سال رہے کچھ اثر نہ ہو
طول شب وصال ہو مثل شب فراق
نکلے نہ آفتاب الٰہی سحر نہ ہو
Ae zabt dekh ishq ki un ko khabar na ho
Ae zabt dekh ishq ki un ko khabar na ho
Dil mein hazar dard uthe aankh tar na ho
Muddat mein sham-e-vasl hui hai mujhe naseeb
Do chaar saal tak to Ilahi sahar na ho
Ek phool hai gulab ka aaj un ke haath mein
Dhadka mujhe yeh hai ke kisi ka jigar na ho
Dhoonde se bhi na maani bareek jab mila
Dhoka hua yeh mujh ko ke us ki kamar na ho
Ulfat ki kya ummeed woh aisa hai bewafa
Sohbat hazar saal rahe kuch asar na ho
Tool-e-shab-e-visal ho misl-e-shab-e-firaq
Nikle na aaftab Ilahi sahar na ho
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں