اجل شرما گئی سمجھی کہ مجھ کو پیار کرتے ہیں — امیر مینائی
شاعر
اجل شرما گئی سمجھی کہ مجھ کو پیار کرتے ہیں
لیا میں نے تو بوسہ خنجرِ قاتل کا مقتل میں
اجل شرما گئی سمجھی کہ مجھ کو پیار کرتے ہیں
مرا خط پھینک کر قاتل کے مُنہ پر طنز سے بولے
خلاصہ سارے اس طومار کا یہ ہے کہ مرتے ہیں
ابھی اے جاں تو نے مرنے والوں کو نہیں دیکھا
جیئے ہم تو دکھا دیں گے کہ دیکھ اس طرح مرتے ہیں
قیامت دور، تنہائی کا عالم، روح پر صدمہ
ہمارے دن لحد میں دیکھیئے کیوں کر گزرتے ہیں
جو رکھ دیتی ہے شانہ آئینہ تنگ آ کے مشاطہ
ادائیں بول اُٹھتی ہیں کہ دیکھو یوں سنورتے ہیں
چمن کی سیر ہی چھوٹی تو پھر جینے سے کیا حاصل؟
گلا کاٹیں مرا صیاد ناحق پر کترتے ہیں
قیام اس بحرِ طوفاں خیز دنیا میں کہاں ہمدم؟
حباب آ سا ٹھہرتے ہیں تو کوئی دم ٹھہرتے ہیں
Ajal sharma gayi samjhi ke mujh ko pyaar karte hain
Liya main ne to bosa-e-khanjar-e-qatil ka maqtal mein
Ajal sharma gayi samjhi ke mujh ko pyaar karte hain
Mera khat phenk kar qatil ke munh par tanz se bole
Khulasa saare is toomar ka ye hai ke marte hain
Abhi ae jaan tu ne marne walon ko nahin dekha
Jiye ham to dikha denge ke dekh is tarah marte hain
Qayamat dur, tanhai ka alam, rooh par sadma
Hamare din lahad mein dekhiye kyon kar guzarte hain
Jo rakh deti hai shana aaina tang aa ke mashata
Ada'en bol uthti hain ke dekho yun sanwarte hain
Chaman ki sair hi chhooti to phir jeene se kya hasil?
Gala kaatein mera sayyad nahaq par kutarte hain
Qiyam is bahr-e-toofan-khez duniya mein kahan hamdam?
Habaab aa sa thahrte hain to koi dam thahrte hain
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں