بات کرنے میں تو جاتی ہے ملاقات کی رات — امیر مینائی
شاعر
بات کرنے میں تو جاتی ہے ملاقات کی رات
بات کرنے میں تو جاتی ہے ملاقات کی رات
کیا بری بات ہے رہ جاؤ یہیں رات کی رات
ذرے افشاں کے نہیں کرمک شب تاب سے کم
ہے وہ زلف عرق آلود کہ برسات کی رات
زاہد اس زلف میں پھنس جائے تو اتنا پوچھوں
کہیے کس طرح کٹی قبلۂ حاجات کی رات
شام سے صبح تلک چلتے ہیں جام مے عیش
خوب ہوتی ہے بسر اہل خرابات کی رات
وصل چاہا شب معراج تو یہ عذر کیا
ہے یہ اللہ و پیمبر کی ملاقات کی رات
ہم مسافر ہیں یہ دنیا ہے حقیقت میں سرا
ہے توقف ہمیں اس جا تو فقط رات کی رات
چل کے اب سو رہو باتیں نہ بناؤ صاحب
وصل کی شب ہے نہیں حرف حکایات کی رات
لیلۃ القدر ہے وصلت کی دعا مانگ امیرؔ
اس سے بہتر ہے کہاں کوئی مناجات کی رات
Baat Karne Mein Toh Jaati Hai Mulaqat Ki Raat
Baat karne mein toh jaati hai mulaqat ki raat
Kya buri baat hai reh jao yahin raat hi raat
Zarre afshaan ke nahin kirmak-e-shab-taab se kam
Hai woh zulf-e-araq-aalood ke barsaat ki raat
Zaahid us zulf mein phans jaaye toh itna poochhoon
Kahiye kis tarah kati Qibla-e-Haajat ki raat
Shaam se subh talak chalte hain jaam-e-mai-e-aish
Khoob hoti hai basar ahl-e-kharabaat ki raat
Wasl chaha shab-e-Miraaj toh yeh uzr kiya
Hai yeh Allah o Payambar ki mulaqat ki raat
Hum musafir hain yeh duniya hai haqeeqat mein sara
Hai tawaqqaf hamein is ja toh faqat raat ki raat
Chal ke ab so raho, baatein na banao saahab
Wasl ki shab hai nahin harf-e-hikaayaat ki raat
Laila-tul-Qadr hai, waslat ki dua maang Ameer!
Is se behtar hai kahan koi munajaat ki raat
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں