دور سے آئے ہیں ہم اے ساکنان کوئے دوست — امیر مینائی
شاعر
دور سے آئے ہیں ہم اے ساکنان کوئے دوست
دور سے آئے ہیں ہم اے ساکنان کوئے دوست
دو جگہ ہم کو بھی تھوڑی سی میان کوئے دوست
رہتے ہیں تسبیح میں تقدیس میں تحلیل میں
قدسیوں سے کم نہیں ہیں ساکنان کوئے دوست
جھک گئی گردن گریباں کی طرف جب وقت فکر
نحن اقرب سے ملا ہم کو نشان کوئے دوست
گلشن جنت کی کیا پروا ہے اے رضواں انہیں
ہیں جو مشتاق بہشت جاودان کوئے دوست
اے ہما بے فائدہ تو نے قدم رنجہ کیا
مستحق ان ہڈیوں کے ہیں سگان کوئے دوست
دیکھوں اے واعظ کسے سنتے ہیں دل سے سامعین
وصف تو فردوس کا کر میں بیان کوئے دوست
جب کھلا تفسیر سے مضمون جنات نعیم
میں یہ سمجھا ہے یہ قرآں میں بیان کوئے دوست
میری اشکوں سے جو دریا موج زن ہے رات دن
مردم آبی بنے ہیں رہروان کوئے دوست
ہے نیا عالم ہے اس عالم سے وہ عالم جدا
اور ہی کچھ ہیں زمین و آسمان کوئے دوست
جب قدم رکھا زمیں پر آسماں پر جا پڑا
بارہا ہم نے کیا ہے امتحان کوئے دوست
نامہ بر میں جانتا ہوں پر بتا سکتا نہیں
دل میں ہے لب تک نہیں آتا نشان کوئے دوست
چاہتے ہو داب لو اس کو بغل میں اے امیرؔ
بوستاں سعدیؔ کی ٹھہرا بوستان کوئے دوست
Dūr se ā'e haiñ ham ai sāknān-e-kū-e-dost
Dūr se ā'e haiñ ham ai sāknān-e-kū-e-dost
Do jagah ham ko bhī thoṛī sī miyān-e-kū-e-dost
Rahte haiñ tasbīh mein taqdīs mein tahlīl mein
Qudsiyoñ se kam nahīñ haiñ sāknān-e-kū-e-dost
Jhuk ga'ī gardan garībāñ kī taraf jab vaqt-e-fikr
Nahnu aqrab se milā ham ko nishān-e-kū-e-dost
Gulshan-e-jannat kī kyā parvā hai ai Rizvāñ unheñ
Haiñ jo mushtāq-e-bahisht-e-jāvedāñ kū-e-dost
Ai Humā! be-fā'eda tū ne qadam-ranja kiyā
Mustahiq in haḍḍiyoñ ke haiñ sagān-e-kū-e-dost
Dekhūñ ai vā'iz! kise sunte haiñ dil se sāmi'īn
Vasf to firdaus kā kar maiñ bayān-e-kū-e-dost
Jab khulā tafsīr se mazmūn-e-jannāt-e-na'īm
Maiñ ye samjhā hai ye Qur'āñ mein bayān-e-kū-e-dost
Merī ashkoñ se jo daryā maujzan hai rāt din
Mardum-e-ābī bane haiñ rahravān-e-kū-e-dost
Hai nayā 'ālam hai is 'ālam se vo 'ālam judā
Aur hī kuchh haiñ zamīn-o-āsmān-e-kū-e-dost
Jab qadam rakhā zamīñ par āsmāñ par jā paṛā
Bārhā ham ne kiyā hai imtihān-e-kū-e-dost
Nāma-bar! maiñ jāntā huuñ par batā saktā nahīñ
Dil mein hai lab tak nahīñ ātā nishān-e-kū-e-dost
Chāhte ho dāb lo us ko baghal mein ai Amīrؔ
Būstāñ Sa'dīؔ kī ṭhahrā būstān-e-kū-e-dost
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں