اِک جانِ ناتواں ہے کسے دوں کسے نہ دوں — امیر مینائی
شاعر
اِک جانِ ناتواں ہے کسے دوں کسے نہ دوں
شمشیر ہے سناں ہے کسے دوں کسے نہ دوں
اِک جانِ ناتواں ہے کسے دوں کسے نہ دوں
مہمان اِدھر ہما ہے اُدھر ہے سگِ حبیب
اِک مشتِ استخواں ہے کسے دوں کسے نہ دوں
درباں ہزار اس کے یہاں ایک نقدِ جاں
مال اس قدر کہاں ہے کسے دوں کسے نہ دوں
بلبل کو بھی ہے پھولوں کی گلچیں کو بھی طلب
حیران باغباں ہے کسے دوں کسے نہ دوں
سب چاہتے ہیں اس سے جو وعدہ وصال کا
کہتا ہے اک زباں ہے کسے دوں کسے نہ دوں
شہزادے دختِ رز کے ہزاروں ہی خواستگار
چپ مرشدِ مغاں ہے کسے دوں کسے نہ دوں
یاروں کو بھی ہے بوسے کی غیروں کو بھی طلب
ششدر وہ جانِ جاں ہے کسے دوں کسے نہ دوں
دل مجھ سے مانگتے ہیں ہزاروں حسیں امیر
کتنا یہ ارمغاں ہے کسے دوں کسے نہ دوں
Ik jaan-e-natawaan hai kise doon kise na doon
Shamshir hai sanaan hai kise doon kise na doon
Ik jaan-e-natawaan hai kise doon kise na doon
Mehmaan idhar Huma hai udhar hai sag-e-habeeb
Ik musht-e-ustukhwaan hai kise doon kise na doon
Darbaan hazaar us ke yahan ek naqd-e-jaan
Maal is qadar kahan hai kise doon kise na doon
Bulbul ko bhi hai phoolon ki gulcheen ko bhi talab
Hairaan baaghbaan hai kise doon kise na doon
Sab chahte hain us se jo wada-e-wisaal ka
Kehta hai ek zabaan hai kise doon kise na doon
Shehzade dukht-e-raz ke hazaaron hi khwastgaar
Chup murshid-e-mughan hai kise doon kise na doon
Yaaron ko bhi hai bose ki ghairon ko bhi talab
Shashdar woh jaan-e-jaan hai kise doon kise na doon
Dil mujh se maangte hain hazaaron haseen Ameer
Kitna yeh armughaan hai kise doon kise na doon
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں