کہتا ہے حُسن میں نہ رہوں گا حجاب میں — امیر مینائی
شاعر
کہتا ہے حُسن میں نہ رہوں گا حجاب میں
جب خوبرو چھپاتے ہیں عارض نقاب میں
کہتا ہے حُسن میں نہ رہوں گا حجاب میں
بے قصد لکھ دیا ہے گِلہ اِضطراب میں
دیکھوں کہ کیا وہ لکھتے ہیں خط کے جواب میں
دو کی جگہ دئیے مجھے بوسے بہک کے چار
تھے نیند میں، پڑا اُنہیں دھوکا حساب میں
سمجھا ہے تو جو غیبتِ پیر مغاں حلال،
واعظ، بتا یہ مسئلہ ہے کس کی کتاب میں؟
دامن میں اُن کے خوں کی چھینٹیں پڑیں امیر
بسمل سے پاس ہو نہ سکا اضطراب میں
Kehta hai husn main na rahunga hijaab mein
Jab khoobroo chhupate hain aariz naqaab mein
Kehta hai husn main na rahunga hijaab mein
Be-qasd likh diya hai gila iztiraab mein
Dekhun ki kya woh likhte hain khat ke jawaab mein
Do ki jagah diye mujhe bose behak ke chaar
The neend mein, pada unhein dhoka hisaab mein
Samjha hai tu jo ghaibat-e-peer-e-mughan halaal,
Waiz, bata yeh masla hai kis ki kitaab mein?
Daaman mein un ke khoon ki chheentein padin Ameer
Bismil se paas ho na saka iztiraab mein
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں