میں روتا ہوں، اس کو ہنسی سوجھتی ہے — امیر مینائی
شاعر
میں روتا ہوں، اس کو ہنسی سوجھتی ہے
جو کچھ سوجھتی ہے نئی سوجھتی ہے
میں روتا ہوں، اس کو ہنسی سوجھتی ہے
تمہیں حور اے شیخ جی سوجھتی ہے
مجھے رشک حور اک پری سوجھتی ہے
یہاں تو میری جان پر بن رہی ہے
تمہیں جانِ من دل لگی سوجھتی ہے
جو کہتا ہوں ان سے کہ آنکھیں ملاؤ
وہ کہتے ہیں تم کو یہی سوجھتی ہے
یہاں تو ہے آنکھوں میں اندھیر دنیا
وہاں ان کو سرمہ مسی سوجھتی ہے
جو کی میں نے جوبن کی تعریف بولے
تمہیں اپنے مطلب کی ہی سوجھتی ہے
امیر ایسے ویسے تو مضموں ہیں لاکھوں
نئی بات کوئی کبھی سوجھتی ہے
Main rota hoon, us ko hansi soojhti hai
Jo kuch soojhti hai nayi soojhti hai
Main rota hoon, us ko hansi soojhti hai
Tumhein hoor aye shaikh ji soojhti hai
Mujhe rashk-e-hoor ek pari soojhti hai
Yahan toh meri jaan par ban rahi hai
Tumhein jaan-e-man dil lagi soojhti hai
Jo kehta hoon un se ke aankhein milao
Woh kehte hain tum ko yehi soojhti hai
Yahan toh hai aankhon mein andher dunya
Wahan un ko surma masi soojhti hai
Jo ki main ne joban ki tareef bole
Tumhein apne matlab ki hi soojhti hai
Ameer aise waise toh mazmoon hain lakhon
Nayi baat koi kabhi soojhti hai
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں