مٹ گئے ہم، تو مِلا ہم کو ٹھکانا تیرا — امیر مینائی
شاعر
مٹ گئے ہم، تو مِلا ہم کو ٹھکانا تیرا
جب تلک ہست تھے، دشوار تھا پانا تیرا
مٹ گئے ہم، تو مِلا ہم کو ٹھکانا تیرا
نہ جہت تیرے لیئے ہے نہ کوئی جسم ہے تو
چشم ظاہر کو ہے مشکل نظر آنا تیرا
شش جہت چھان چُکے ہم تو کھُلا ہم پہ حال
رگِ گردن سے ہے نزدیک ٹھکانا تیرا
اب تو پیری میں نہیں پوچھنے والا کوئی
کبھی اے حسن جوانی! تھا زمانہ تیرا
اے صدف چاک کرے گا یہی سینہ اک دن
تو یہ سمجھی ہے کہ گوہر ہے یگانا تیرا
دور اگلے شعراء کا تھا کبھی، اور امیرؔ
اب تو ہے ملک معانی میں زمانہ تیرا
Mit ga'e ham, to mila ham ko thikana tera
Jab talak hast the, dushvār thā pānā terā
Mit ga'e ham, to mila ham ko thikana tera
Na jihat tere li'e hai na koī jism hai tū
Chashm-e-zāhir ko hai mushkil nazar ānā terā
Shash jihat chhān chuke ham to khulā ham pe hāl
Rag-e-gardan se hai nazdīk thikānā terā
Ab to pīrī mein nahīñ pūchhne vālā koī
Kabhi ai husn-e-javānī! thā zamānā terā
Ai sadaf chāk karegā yahī sīna ek din
Tū ye samjhī hai ki gauhar hai yagāna terā
Daur agle shu'arā kā thā kabhī, aur Amīrؔ
Ab to hai mulk-e-ma'ānī mein zamāna terā
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں