قبلۂ دل کعبۂ جاں اور ہے — امیر مینائی
شاعر
قبلۂ دل کعبۂ جاں اور ہے
قبلۂ دل کعبۂ جاں اور ہے
سجدہ گاہ اہل عرفاں اور ہے
ہو کے خوش کٹواتے ہیں اپنے گلے
عاشقوں کی عید قرباں اور ہے
روز و شب یاں ایک سی ہے روشنی
دل کے داغوں کا چراغاں اور ہے
خار دکھلاتی ہے پھولوں کی بہار
بلبلو اپنا گلستاں اور ہے
قید میں آرام آزادی وبال
ہم گرفتاروں کا زنداں اور ہے
بحر الفت میں نہیں کشتی کا کام
نوح سے کہہ دو یہ طوفاں اور ہے
کس کا اندیشہ ہے برق و سیل سے
اپنے خرمن کا نگہباں اور ہے
درد وہ دل میں وہ سینہ پر ہے داغ
جس کا مرہم جس کا درماں اور ہے
کعبہ رو محراب ابرو اے امیرؔ
اپنی طاعت اپنا ایماں اور ہے
Qibla-e-dil Ka'ba-e-jāñ aur hai
Qibla-e-dil Ka'ba-e-jāñ aur hai
Sajda-gāh-e-ahl-e-'irfāñ aur hai
Ho ke khush kaṭvāte hain apne gale
Āshiqoñ kī 'īd-e-qurbāñ aur hai
Roz-o-shab yaañ ek sī hai raushnī
Dil ke dāghoñ kā charāghāñ aur hai
Khār dikhlātī hai phūloñ kī bahār
Bulbulo! apnā gulistāñ aur hai
Qaid mein ārām āzādī vabāl
Ham giriftāroñ kā zindāñ aur hai
Bahr-e-ulfat mein nahīñ kashtī kā kām
Nūh se kah do ye tūfāñ aur hai
Kis kā andesha hai barq-o-sail se
Apne khirman kā nigahbāñ aur hai
Dard vo dil mein vo sīna par hai dāgh
Jis kā marham jis kā darmāñ aur hai
Ka'ba-rū mehrāb-e-abrū ai Amīrؔ
Apnī tā'at apnā īmāñ aur hai
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں