سب تڑپنے تلملانے کا مزا جاتارہا — امیر مینائی
شاعر
سب تڑپنے تلملانے کا مزا جاتارہا
ایک دلِ ہمدم، مرے پہلو سے، کیا جاتا رہا
سب تڑپنے تلملانے کا مزا جاتا رہا
سب کرشمے تھے جوانی کے، جوانی کیا گئی
وہ اُمنگیں مِٹ گئیں، وہ ولوَلا جاتا رہا
درد باقی، غم سلامت ہے، مگر اب دل کہاں
ہائے وہ غم دوست، وہ درد آشنا جاتا رہا
آنے والا، جانے والا، بیکسی میں کون تھا
ہاں مگر اک دم، غریب آتا رہا جاتا رہا
آنکھ کیا ہے، موہنی ہے، سحر ہے، اعجاز ہے
اک نگاہِ لطف میں سارا گِلا جاتا رہا
جب تلک تم تھے کشیدہ، دل تھا شکووں سے بھرا
تم گَلے سے مِل گئے، سارا گلا جاتا رہا
کھو گیا دل کھو گیا، رہتا تو کیا ہوتا، امیر
جانے دو اک بے وفا جاتا رہا جاتا رہا
Sab tadapne talmalane ka maza jata raha
Ek dil-e-hamdam, mare pehlu se, kya jata raha
Sab tadapne talmalane ka maza jata raha
Sab karishme the jawani ke, jawani kya gayi
Woh umangein mit gayin, woh walwala jata raha
Dard baqi, gham salamat hai, magar ab dil kahan
Ha'e woh gham-dost, woh dard-aashna jata raha
Aane wala, jaane wala, bekasi mein kaun tha
Han magar ek dam, ghareeb aata raha jata raha
Aankh kya hai, mohini hai, sehar hai, ejaz hai
Ek nigah-e-lutf mein sara gila jata raha
Jab talak tum the kashida, dil tha shikwon se bhara
Tum gale se mil gaye, sara gila jata raha
Kho gaya dil kho gaya, rehta to kya hota, Ameer
Jaane do ek bewafa jata raha jata raha
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں