سرکتی جائے ہے رخ سے نقاب آہستہ آہستہ — امیر مینائی
شاعر
سرکتی جائے ہے رخ سے نقاب آہستہ آہستہ
سرکتی جائے ہے رخ سے نقاب آہستہ آہستہ
نکلتا آ رہا ہے آفتاب آہستہ آہستہ
جواں ہونے لگے جب وہ تو ہم سے کر لیا پردہ
حیا یک لخت آئی اور شباب آہستہ آہستہ
شب فرقت کا جاگا ہوں فرشتو اب تو سونے دو
کبھی فرصت میں کر لینا حساب آہستہ آہستہ
سوال وصل پر ان کو عدو کا خوف ہے اتنا
دبے ہونٹوں سے دیتے ہیں جواب آہستہ آہستہ
وہ بے دردی سے سر کاٹیں امیرؔ اور میں کہوں ان سے
حضور آہستہ آہستہ جناب آہستہ آہستہ
Sarkati jaaye hai rukh se naqab aahista aahista
Sarkati jaaye hai rukh se naqab aahista aahista
Nikalta aa raha hai aaftaab aahista aahista
Jawaan hone lage jab woh toh hum se kar liya parda
Hayya yak lakht aayi aur shabaab aahista aahista
Shab-e-furqat ka jaaga hoon farishto ab toh sone do
Kabhi fursat mein kar lena hisaab aahista aahista
Sawal-e-vasl par un ko adoo ka khauf hai itna
Dabe honton se dete hain jawab aahista aahista
Woh be-dardi se sar kaatein Ameer aur main kahoon un se
Huzoor aahista aahista Janaab aahista aahista
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں