تو ہنس کے بولے وہ منہ قابل نقاب نہ تھا — امیر مینائی
شاعر
تو ہنس کے بولے وہ منہ قابل نقاب نہ تھا
کہا جو میں نے کہ یوسف کو یہ حجاب نہ تھا
تو ہنس کے بولے وہ منہ قابل نقاب نہ تھا
شب وصال بھی وہ شوخ بے حجاب نہ تھا
نقاب اُلٹ کے بھی دیکھا تو بے نقاب نہ تھا
لپٹ کے چوم لیا منہ، مٹا دیا انکار
نہیں کا اُن کے سوا اس کے کچھ جواب نہ تھا
مرے جنازے پہ اب آتے شرم آتی ہے
حلال کرنے کو بیٹھے تھے جب حجاب نہ تھا
نصیب جاگ اُٹھے سو گئے جو پانوں مرے
تمہارے کوچے سے بہتر مقام خواب نہ تھا
غضب کیا کہ اسے تو نے محتسب توڑا
ارے یہ دل تھا مرا شیشۂ شراب نہ تھا
زمانہ وصل میں لیتا ہے کروٹیں کیا کیا
فراق یار کے دن ایک انقلاب نہ تھا
تمہیں نے قتل کیا ہے مجھے جو تنتے ہو
اکیلے تھے ملک الموت ہم رکاب نہ تھا
دعائے توبہ بھی ہم نے پڑھی تو مے پی کر
مزہ بھی ہم کو کسی شے کا بے شراب نہ تھا
میں روئے یار کا مشتاق ہو کے آیا تھا
ترے جمال کا شیدا تو اے نقاب نہ تھا
بیاں کی جو شبِ غم کی بے کسی، تو کہا
جگر میں درد نہ تھا، دل میں اضطراب نہ تھا
وہ بیٹھے بیٹھے جو دے بیٹھے قتل عام کا حکم
ہنسی تھی اُن کی کسی پر کوئی عتاب نہ تھا
جو لاش بھیجی تھی قاصد کی ، بھیجتے خط بھی
رسید وہ تو مرے خط کی تھی ، جواب نہ تھا
سرور قتل سے تھی ہاتھ پانوں کو جنبش
وہ مجھ پہ وجد کا عالم تھا، اضطراب نہ تھا
ثبات بحر جہاں میں نہیں کسی کو امیر
اِدھر نمود ہوا اور اُدھر حباب نہ تھا
To hans ke bole woh munh qabil-e-naqab na tha
Kaha jo main ne ke Yusuf ko ye hijab na tha
To hans ke bole woh munh qabil-e-naqab na tha
Shab-e-visal bhi woh shokh be-hijab na tha
Naqab ulat ke bhi dekha to be-naqab na tha
Lapat ke chum liya munh, mita diya inkar
Nahin ka un ke siwa is ke kuchh jawab na tha
Mare janaze pe ab aate sharm aati hai
Halal karne ko baithe the jab hijab na tha
Naseeb jaag uthe so gaye jo paon mare
Tumhare kuche se behtar maqam-e-khwab na tha
Ghazab kya ke use tu ne muhtasib toda
Are ye dil tha mera sheesha-e-sharab na tha
Zamana vasl mein leta hai karwatein kya kya
Firaq-e-yaar ke din ek inqilab na tha
Tumhein ne qatl kiya hai mujhe jo tante ho
Akele the malak-ul-maut ham-rakab na tha
Dua-e-tauba bhi ham ne padhi to mai pee kar
Maza bhi ham ko kisi shai ka be-sharab na tha
Main ru-e-yaar ka mushtaq ho ke aaya tha
Tere jamal ka shaida to ae naqab na tha
Bayan ki jo shab-e-gham ki bekasi, to kaha
Jigar mein dard na tha, dil mein iztirab na tha
Woh baithe baithe jo de baithe qatl-e-aam ka hukm
Hansi thi un ki kisi par koi itab na tha
Jo lash bheji thi qasid ki, bhejte khat bhi
Rasid woh to mare khat ki thi, jawab na tha
Suroor-e-qatl se thi haath paon ko jumbish
Woh mujh pe wajd ka alam tha, iztirab na tha
Sabat bahr-e-jahan mein nahin kisi ko Ameer
Idhar namood hua aur udhar habab na tha
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں