یہ بادل جب برستے ہیں لبِ کوثر برستے ہیں — امیر مینائی
شاعر
یہ بادل جب برستے ہیں لبِ کوثر برستے ہیں
خیالِ لب میں ابرِ دیدہ ہائے تر برستے ہیں
یہ بادل جب برستے ہیں لبِ کوثر برستے ہیں
خدا کے ہاتھ ہم چشموں میں ہے اب آبرو اپنی
بھرے بیٹھے ہیں دیکھیں آج وہ کس پر برستے ہیں
ڈبو دیں گی یہ آنکھیں بادلوں کو ایک چھینٹے میں
بھلا برسیں تو میرے سامنے کیونکر برستے ہیں
جہاں ان ابروؤں پر میل آیا کٹ گئے لاکھوں
یہ وہ تیغیں ہیں جن کے ابر سے خنجر برستے ہیں
چھکے رہتے ہیں مے سے جوش پر ہے رحمتِ ساقی
ہمارے میکدے میں غیب سے ساغر برستے ہیں
جو ہم برگشتۂ قسمت آرزو کرتے ہیں پانی کی
زہے بارانِ رحمت چرخ سے پتھر برستے ہیں
غضب کا ابرِ خوں افشاں ہے ابرِ تیغِ قاتل بھی
رواں ہے خون کا سیلاب لاکھوں سر برستے ہیں
سمائے ابرِ نیساں خاک مجھ گریاں کی آنکھوں میں
کہ پلکوں سے یہاں بھی متصل گوہر برستے ہیں
وہاں ہیں سخت باتیں، یاں امیر آنسو پر آنسو ہیں
تماشا ہے اِدھر، موتی اُدھر پتھر برستے ہیں
Ye badal jab baraste hain lab-e-kausar baraste hain
Khayal-e-lab mein abr-e-dida ha'e tar baraste hain
Ye badal jab baraste hain lab-e-kausar baraste hain
Khuda ke haath ham chashmon mein hai ab aabroo apni
Bhare baithe hain dekhen aaj woh kis par baraste hain
Dubo dengi ye aankhein badalon ko ek chhinte mein
Bhala barsein to mere samne kyon kar baraste hain
Jahan in abruon par mail aaya kat gaye lakhon
Ye woh teghain hain jin ke abr se khanjar baraste hain
Chhakke rehte hain mai se josh par hai rahmat-e-saqi
Hamare maikade mein ghaib se saghar baraste hain
Jo ham bargashta qismat aarzoo karte hain pani ki
Zahe baran-e-rahmat charakh se patthar baraste hain
Ghazab ka abr-e-khoon-afshan hai abr-e-tegh-e-qatil bhi
Rawan hai khoon ka sailaab lakhon sar baraste hain
Samaye abr-e-naisan khak mujh giryan ki aankhon mein
Ke palkon se yahan bhi muttasil gauhar baraste hain
Wahan hain sakht baatein, yahan Ameer aansoo par aansoo hain
Tamasha hai idhar, moti udhar patthar baraste hain
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں