یہ کلیجا کہاں سے لائیں ہم — امیر مینائی
شاعر
یہ کلیجا کہاں سے لائیں ہم
تیرے جور و ستم اُٹھائیں ہم
یہ کلیجا کہاں سے لائیں ہم
جی میں ہے اب وہاں نہ جائیں ہم
دل کی طاقت بھی آزمائیں ہم
نالے کرتے نہیں یہ الفت میں
باندھتے ہیں تری ہوائیں ہم
اب لب یار کیا ترے ہوتے
لب ساغر کو منہ لگائیں ہم
دل میں تم، دل ہے سینہ سے خود گم
کوئی پوچھے تو کیا بتائیں ہم
آب شمشیر یار اگر مل جائے
اپنے دل کی لگی بجھائیں ہم
اب جو منہ موڑیں بندگی سے تری
اے بت اپنے خدا سے پائیں ہم
زندگی میں ہے موت کا کھٹکا
قصر کیا مقبرہ بنائیں ہم
توبۂ مے سے کیا پشیماں ہیں
زاہد و دیکھ کر گھٹائیں ہم
دل میں ہے مثل ہیزم و آتش
جو گھٹائے اُسے بڑھائیں ہم
زار سے زار ہیں جہاں میں امیر
دل ہی بیٹھے جو لطف اٹھائیں ہم
Ye kaleja kahan se laein ham
Tere jaur-o-sitam uthayen ham
Ye kaleja kahan se laein ham
Ji mein hai ab wahan na jayen ham
Dil ki taqat bhi aazmayen ham
Nale karte nahin ye ulfat mein
Bandhte hain teri hawain ham
Ab lab-e-yaar kya tere hote
Lab-e-saghar ko munh lagayen ham
Dil mein tum, dil hai seena se khud gum
Koi pooche to kya batayen ham
Aab-e-shamshir-e-yaar agar mil jaye
Apne dil ki lagi bujhayen ham
Ab jo munh moden bandagi se teri
Ae but apne Khuda se payen ham
Zindagi mein hai maut ka khatka
Qasr kya maqbara banayen ham
Tauba mai se kya pasheman hain
Zahid-o-dekh kar ghatayen ham
Dil mein hai misl-e-haizam-o-aatish
Jo ghataye use barhayen ham
Zar se zar hain jahan mein Ameer
Dil hi baithe jo lutf uthayen ham
شاعر کے بارے میں
امیر مینائی اردو ادب کے ان درخشاں ناموں میں شمار ہوتے ہیں جنہوں نے شاعری، نعت گوئی اور لغت نویسی کے میدان میں گراں قدر خدمات انجام دیں۔ ان کا اصل ن...
مکمل تعارف پڑھیں