آہ بارگہہ حسن میں جلووں کا اثر دیکھ — عرش صدیقی
شاعر
آہ بارگہہ حسن میں جلووں کا اثر دیکھ
آہ بارگہہ حسن میں جلووں کا اثر دیکھ
حد سے نہ گزر ضبط میں اے ضبط نظر دیکھ
مت پوچھ کہ کیا گزری دل شعلہ صفت پر
اس دست حنائی میں مرا دامن تر دیکھ
تو اس کا تمنائی ہے مت ڈر دل ناداں
امید نہیں پھر بھی وہ کہتا ہے تو مر دیکھ
یہ شہر ہے یا خیمہ ہے دشمن کا سپہ کا
آواز کے زخموں سے لہو ہے مرا سر دیکھ
کیوں بحر خموشی میں ہے تو مثل صدا تنگ
حسرت کوئی باقی ہے تو اک بار ابھر دیکھ
شاید ترے حصے میں ہو موتی کا مقدر
اے قطرۂ جاں آج سمندر میں اتر دیکھ
کیوں پاؤں پسارے تو پڑا ہے سر راہے
کیا سخت سفر ہے ذرا سائے سے ادھر دیکھ
شاید ہو ادھر عرشؔ کوئی چشمۂ حیواں
اک بار تو ہستی کے بیاباں سے گزر دیکھ
Aah bargah-e-husn mein jalwon ka asar dekh
Aah bargah-e-husn mein jalwon ka asar dekh
Had se na guzar zabt mein ae zabt-e-nazar dekh
Mat poochh ke kya guzri dil-e-shola-sifat par
Is dast-e-hinai mein mera daaman tar dekh
Tu us ka tamannai hai mat dar dil-e-naadaan
Umeed nahin phir bhi woh kehta hai tu mar dekh
Yeh shehar hai ya khaima hai dushman ka sipah ka
Aawaz ke zakhmon se lahoo hai mera sar dekh
Kyun bahr-e-khamoshi mein hai tu misl-e-sada tang
Hasrat koi baaqi hai to ek baar ubhar dekh
Shayad tere hisse mein ho moti ka muqaddar
Ae qatra-e-jaan aaj samandar mein utar dekh
Kyun paaon pasare tu pada hai sar-e-raahe
Kya sakht safar hai zara saaye se idhar dekh
Shayad ho idhar Arsh koi chashma-e-haiwaan
Ek baar to hasti ke bayabaan se guzar dekh
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں