بیٹھا ہوں وقف ماتم ہستی مٹا ہوا — عرش صدیقی
شاعر
بیٹھا ہوں وقف ماتم ہستی مٹا ہوا
بیٹھا ہوں وقف ماتم ہستی مٹا ہوا
زہر وفا ہے گھر کی فضا میں گھلا ہوا
خود اس کے پاس جاؤں نہ اس کو بلاؤں پاس
پایا ہے وہ مزاج کہ جینا بلا ہوا
اس پر غلط ہے عشق میں الزام دشمنی
قاتل ہے میرے حجلۂ جاں میں چھپا ہوا
ہیں جسم و جاں بہم یہ مگر کس کو ہے خبر
کس کس جگہ سے دامن دل ہے سلا ہوا
ہے راہوار شوق پہ آسیب بے دلی
رکھا ہے کب سے سامنے ساغر بھرا ہوا
حاصل ہے جس کو عرشؔ فضاؤں میں اختیار
وہ دل کے ساتھ کھیل رہا ہے تو کیا ہوا
Baiṭhā hūñ vaqf-e-mātam-e-hastī miṭā huā
Baiṭhā hūñ vaqf-e-mātam-e-hastī miṭā huā
Zahr-e-vafā hai ghar kī fazā meñ ghulā huā
Khud us ke pās jā.ūñ na us ko bulā.ūñ pās
Pāyā hai vo mizāj ki jīna balā huā
Us par ghalat hai ishq meñ ilzām-e-dushmanī
Qātil hai mire hujla-e-jāñ meñ chhupā huā
Haiñ jism-o-jāñ baham ye magar kis ko hai khabar
Kis kis jagah se dāman-e-dil hai silā huā
Hai rahvār-e-shauq pe āsīb-e-be-dilī
Rakhā hai kab se sāmne sāghar bharā huā
Hāsil hai jis ko Arsh fazāoñ meñ ikhtiyār
Vo dil ke sāth khel rahā hai to kyā huā
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں