آنکھوں میں کہیں اس کے بھی طوفاں تو نہیں تھا — عرش صدیقی
شاعر
آنکھوں میں کہیں اس کے بھی طوفاں تو نہیں تھا
آنکھوں میں کہیں اس کے بھی طوفاں تو نہیں تھا
وہ مجھ سے جدا ہو کے پشیماں تو نہیں تھا
کیوں مجھ سے نہ کی اس نے سر بزم کوئی بات
میں سنگ ملامت سے گریزاں تو نہیں تھا
ہاں حرف تسلی کے لیے تھا میں پریشاں
پہلو میں مرے دل تھا کہستاں تو نہیں تھا
کیوں راستہ دیکھا کیا اس کا میں سر شام
بے درد کا مجھ سے کوئی پیماں تو نہیں تھا
جلوہ تھا ترا آگ میں ہر لحظہ ہویدا
ورنہ مجھے جل مرنے کا ارماں تو نہیں تھا
تھا دل بھی کبھی شہر تمنا سے مماثل
یہ قریہ ہمیشہ سے بیاباں تو نہیں تھا
طوفان الم کیوں مجھے ساحل پہ اتارا
میں شور تلاطم سے ہراساں تو نہیں تھا
رکھا تھا چھپا کر جسے الفاظ میں میں نے
پردے میں سخن کے بھی وہ عریاں تو نہیں تھا
کہتے ہیں کہ ہے عرشؔ نگوں پائے نبیؐ پر
ایسا وہ کوئی صاحب ایماں تو نہیں تھا
Aankhon mein kahin us ke bhi toofan to nahin tha
Aankhon mein kahin us ke bhi toofan to nahin tha
Wo mujh se juda ho ke pashemaan to nahin tha
Kyun mujh se na ki us ne sar-e-bazm koi baat
Main sang-e-malaamat se garezaan to nahin tha
Haan harf-e-tasalli ke liye tha main pareshan
Pehlu mein mere dil tha kohistan to nahin tha
Kyun raasta dekha kya us ka main sar-e-sham
Be-dard ka mujh se koi paimaan to nahin tha
Jalwa tha tera aag mein har lahza huwaida
Warna mujhe jal marne ka armaan to nahin tha
Tha dil bhi kabhi shehr-e-tamanna se mumaasil
Ye qariya hamesha se biyabaan to nahin tha
Toofan-e-alam kyun mujhe sahil pe utaara
Main shor-e-talaatum se haraasaan to nahin tha
Rakha tha chhupa kar jise alfaaz mein main ne
Parde mein sukhan ke bhi wo uryaan to nahin tha
Kehte hain ke hai arsh-e-nigoon paaye Nabi par
Aisa wo koi sahib-e-imaan to nahin tha
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں