عذاب بے دلئ جان مبتلا نہ گیا — عرش صدیقی
شاعر
عذاب بے دلئ جان مبتلا نہ گیا
عذاب بے دلئ جان مبتلا نہ گیا
جو سر پہ بار تھا اندیشۂ سزا نہ گیا
خموش ہم بھی نہیں تھے حضور یار مگر
جو کہنا چاہتے تھے بس وہی کہا نہ گیا
پلٹ کے دیکھنے کی اب تو آرزو بھی نہیں
تھی عاشقی ہمیں جب خوب، وہ زمانہ گیا
رہے مصر کہ اٹھا دیں وہ انجمن سے ہمیں
ہم اٹھنا چاہتے بھی تھے مگر اٹھا نہ گیا
ہمارے نام سے جب ذکر بے وفائی چلا
جنوں میں بول پڑے ہم سے بھی رہا نہ گیا
ہمارا قصۂ غم بیچ میں وہ چھوڑ اٹھے
انہی کی ضد تھی مگر ان ہی سے سنا نہ گیا
زمانے بھر نے کہا عرشؔ جو، خوشی سے سہا
پر ایک لفظ جو اس نے کہا سہا نہ گیا
Azab-e-bedili-e-jan mubtala na gaya
Azab-e-bedili-e-jan mubtala na gaya
Jo sar pe baar tha andesha-e-saza na gaya
Khamosh hum bhi nahiñ thay huzoor-e-yaar magar
Jo kehna chahte thay bas wahi kaha na gaya
Palat ke dekhne ki ab to aarzoo bhi nahiñ
Thi aashiqi hameñ jab khoob, woh zamana gaya
Rahe misr ke utha deñ woh anjuman se hameñ
Hum uthna chahte bhi thay magar uthaya na gaya
Hamare naam se jab zikr-e-bewafai chala
Junooñ meiñ bol paday hum se bhi raha na gaya
Hamara qissa-e-gham beech meiñ woh chhor uthay
Inhi ki zid thi magar unhi se suna na gaya
Zamanay bhar ne kaha Arsh! jo, khushi se saha
Par ek lafz jo us ne kaha saha na gaya
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں