بیٹھا ہوں وقف ماتم ہستی مٹا ہوا — عرش صدیقی
شاعر
بیٹھا ہوں وقف ماتم ہستی مٹا ہوا
بیٹھا ہوں وقف ماتم ہستی مٹا ہوا
زہر وفا ہے گھر کی فضا میں گھلا ہوا
خود ان کے پاس جاؤں نہ ان کو بلاؤں پاس
پایا ہے وہ مزاج کہ جینا بلا ہوا
اپنی زباں کو آج وہ تاثیر ہے نصیب
جس کو خدائے حسن کہا وہ خدا ہوا
اس پر غلط ہے عشق میں الزام دشمنی
قاتل ہے میرے حجلۂ جاں میں چھپا ہوا
جاں ہے تو فکر عشرت بزم جہاں بھی ہے
کب دل سے درد عالم امکاں جدا ہوا
ہیں جسم و جاں بہم یہ مگر کس کو ہے خبر
کس کس جگہ سے دامن دل ہے سلا ہوا
ہے راہوار شوق پہ آسیب بے دلی
رکھا ہے کب سے سامنے ساغر بھرا ہوا
حاصل ہے جس کو عرشؔ فضاؤں پہ اختیار
وہ دل کے ساتھ کھیل رہا ہے تو کیا ہوا
Baitha hoon waqf-e-maatam-e-hasti mita hua
Baitha hoon waqf-e-maatam-e-hasti mita hua
Zehr-e-wafa hai ghar ki fiza mein ghula hua
Khud un ke paas jaaun na un ko bulaaun paas
Paya hai woh mizaj ke jeena bala hua
Apni zubaan ko aaj woh taaseer hai naseeb
Jis ko khuday-e-husn kaha woh khuda hua
Is par ghalat hai ishq mein ilzaam-e-dushmani
Qaatil hai mere hujla-e-jaan mein chhupa hua
Jaan hai to fikr-e-ishrat-e-bazm-e-jahan bhi hai
Kab dil se dard-e-alam-e-imkaan juda hua
Hain jism-o-jaan baham ye magar kis ko hai khabar
Kis kis jagah se daman-e-dil hai sila hua
Hai rahwaar-e-shauq pe aaseeb-e-be-dili
Rakha hai kab se saamne saaghar bhara hua
Haasil hai jis ko Arsh fizaon pe ikhtiyar
Wo dil ke saath khel raha hai to kya hua
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں