بند آنکھوں سے نہ حسن شب کا اندازہ لگا — عرش صدیقی
شاعر
بند آنکھوں سے نہ حسن شب کا اندازہ لگا
بند آنکھوں سے نہ حسن شب کا اندازہ لگا
محمل دل سے نکل سر کو ہوا تازہ لگا
دیکھ رہ جائے نہ تو خواہش کے گنبد میں اسیر
گھر بناتا ہے تو سب سے پہلے دروازہ لگا
ہاں سمندر میں اتر لیکن ابھرنے کی بھی سوچ
ڈوبنے سے پہلے گہرائی کا اندازہ لگا
ہر طرف سے آئے گا تیری صداؤں کا جواب
چپ کے چنگل سے نکل اور ایک آوازہ لگا
سر اٹھا کر چلنے کی اب یاد بھی باقی نہیں
میرے جھکنے سے میری ذلت کا اندازہ لگا
لفظ معنی سے گریزاں ہیں تو ان میں رنگ بھر
چہرہ ہے بے نور تو اس پر کوئی غازہ لگا
آج پھر وہ آتے آتے رہ گیا اور آج پھر
سر بسر بکھرا ہوا ہستی کا شیرازہ لگا
رحم کھا کر عرشؔ اس نے اس طرف دیکھا مگر
یہ بھی دل دے بیٹھنے کا مجھ کو خمیازہ لگا
Band aankhoN se na husn-e-shab ka andaza laga
Band aankhoN se na husn-e-shab ka andaza laga
Mahmal-e-dil se nikal sar ko hawa taza laga
Dekh reh jaaye na tu khwahish ke gumbad mein aseer
Ghar banata hai tu sab se pehle darwaza laga
HaaN samandar mein utar lekin ubharne ki bhi soch
Doobne se pehle gehraai ka andaza laga
Har taraf se aayega teri sadaoN ka jawab
Chup ke changul se nikal aur ek awaza laga
Sar utha kar chalne ki ab yaad bhi baqi nahi
Mere jhukne se meri zillat ka andaza laga
Lafz ma'ani se gurezaaN hain to in mein rang bhar
Chehra hai be-noor to is par koi ghaza laga
Aaj phir woh aate aate reh gaya aur aaj phir
Sar ba sar bikhra hua hasti ka shiraza laga
Reham kha kar Arsh usne is taraf dekha magar
Yeh bhi dil de baithne ka mujh ko khamyaza laga
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں