بندھا ہے عہد جنوں چشم اعتبار کے ساتھ — عرش صدیقی
شاعر
بندھا ہے عہد جنوں چشم اعتبار کے ساتھ
بندھا ہے عہد جنوں چشم اعتبار کے ساتھ
اسے کہو کہ جئے عزم استوار کے ساتھ
نہ ہو سکی کبھی توفیق درگزر کی اسے
نہ چل سکے کبھی ہم خود بھی اقتدار کے ساتھ
فقیہ شہر سے کہنا کہ دل کشادہ رکھے
ملا ہے منصب اعلیٰ جو اختیار کے ساتھ
نشان ناقۂ لیلےٰ پہنچ سے دور نہیں
کبھی چلو تو سہی دو قدم غبار کے ساتھ
تمام عمر رہا وہ رہین منت غیر
اسے تو مرنا بھی آیا نہیں وقار کے ساتھ
ازل سے عرشؔ اک آوارگی نصیب میں ہے
ہوائے دشت کو نسبت نہیں قرار کے ساتھ
Bandha hai ahd junooñ chashm-e-aitibar ke saath
Bandha hai ahd junooñ chashm-e-aitibar ke saath
Usay kaho ke jaaye azm-e-ustuwar ke saath
Na ho saki kabhi taufiq-e-darguzar ki usay
Na chal sakay kabhi hum khud bhi iqtidaar ke saath
Faqih-e-shahr se kehna ke dil kushadah rakhay
Mila hai mansab-e-aala jo ikhtiyar ke saath
Nishan-e-naqa-e-Laila pahuñch se door nahiñ
Kabhi chalo to sahi do qadam ghubar ke saath
Tamam umr raha woh rahein-e-minnat-e-ghair
Usay to marna bhi aaya nahiñ waqar ke saath
Azal se Arsh! ik awargi nasib meiñ hai
Hawa-e-dasht ko nisbat nahiñ qarar ke saath
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں