دیدنی اب سفر زیست کا منظر ہوگا — عرش صدیقی
شاعر
دیدنی اب سفر زیست کا منظر ہوگا
دیدنی اب سفر زیست کا منظر ہوگا
جس نے لوٹا سر بازار وہ رہبر ہوگا
حال دل کہہ کے ہوئے اور گرفتار الم
ہم نہ کہتے تھے کہ یوں درد فزوں تر ہوگا
جیتے جی ہم سے کبھی حرف وفا کہہ ڈالو
پھر یہ ہوگا بھی جو احسان تو کس پر ہوگا
تو مری جرأت گفتار پہ حیراں کیوں ہے
یہ تماشا تری سرکار میں اکثر ہوگا
ان کی آنکھوں میں چمکتے ہوئے تارے دیکھے
اب تو ناصح بھی پشیمان برابر ہوگا
ہم بھی اب عرشؔ نیا باب وفا کھولیں گے
شہپر شوق مہ و مہر کا ہم سر ہوگا
Deedani ab safar-e-zeest ka manzar hoga
Deedani ab safar-e-zeest ka manzar hoga
Jis ne loota sar-e-bazar woh rahbar hoga
Haal-e-dil keh ke hue aur giraftar-e-alam
Hum na kehte thay ke yooñ dard fuzooñ-tar hoga
Jeete ji hum se kabhi harf-e-wafa keh dalo
Phir yeh hoga bhi jo ehsaan to kis par hoga
Tu meri jurrat-e-guftaar pe hairaan kyoñ hai
Yeh tamasha teri sarkaar meiñ aksar hoga
Un ki aankhoñ meiñ chamakte hue taare dekhe
Ab to naseh bhi pasheman barabar hoga
Hum bhi ab Arsh! naya baab-e-wafa kholeñ ge
Shapar-e-shauq-e-mah o mehr ka hum-sar hoga
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں