دل کہ آرائش عالم کا تماشا دیکھے — عرش صدیقی
شاعر
دل کہ آرائش عالم کا تماشا دیکھے
دل کہ آرائش عالم کا تماشا دیکھے
گر کبھی خود پہ نظر جائے تو صحرا دیکھے
آنکھ وہ آنکھ جو ہر قطرے میں دریا دیکھے
تو مگر سامنے آ جائے تو پھر کیا دیکھے
خواب میں ہو تو یہ دل دیکھے تری دید کے خواب
خواب سے جاگے تو اک خواب سی دنیا دیکھے
جو سمجھتا ہے کہ کھل جاتا ہے فریاد سے بخت
سوئے افلاک کبھی ہاتھ وہ پھیلا دیکھے
ابتلا میں ہیں سبھی راہ رو منزل شوق
کس کو فرصت کہ مرے پاؤں کا کانٹا دیکھے
عرشؔ اگر لفظ و معانی کے ہو تم پیغمبر
ایک تصویر بنا جاؤ کہ دنیا دیکھے
Dil ke aaraish-e-alam ka tamasha dekhe
Dil ke aaraish-e-alam ka tamasha dekhe
Gar kabhi khud pe nazar jaaye to sahra dekhe
Aankh woh aankh jo har qatre meiñ darya dekhe
Tu magar samne aa jaaye to phir kya dekhe
Khwab meiñ ho to yeh dil dekhe teri deed ke khwab
Khwab se jaage to ik khwab si duniya dekhe
Jo samajhta hai ke khul jata hai faryaad se bakht
Sooye aflaak kabhi haath woh phailaa dekhe
Ibtila meiñ haiñ sabhi raah-rau-e-manzil-e-shauq
Kis ko fursat ke mere paaoñ ka kaanta dekhe
Arsh! agar lafz o ma'ani ke ho tum paighambar
Ek tasveer bana jao ke duniya dekhe
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں