اک تیری بے رخی سے زمانہ خفا ہوا — عرش صدیقی
شاعر
اک تیری بے رخی سے زمانہ خفا ہوا
اک تیری بے رخی سے زمانہ خفا ہوا
اے سنگ دل تجھے بھی خبر ہے کہ کیا ہوا
دریوزہ گر سمجھ کے تو تھی ملتفت حیات
وہ یوں کہو کہ دامن دل ہی نہ وا ہوا
ڈوبا کچھ اس طرح سے مرا آفتاب دل
سب کچھ ہوا یہ پھر نہ سحر آشنا ہوا
یوں اس کے در پہ بیٹھے ہیں جیسے یہیں کے ہوں
ہائے یہ درد عشق جو زنجیر پا ہوا
چھینی ہے عشق نے تب و تاب دماغ و دل
میں کیسے شاہ زور سے زور آزما ہوا
گھر سے چلو تو باندھ کے سر سے کفن چلو
شہر وفا سے دشت فنا ہے ملا ہوا
دل دے کے خوش ہوں میں کہ حفاظت کا غم گیا
تجھ سے قریب ہے وہ جو مجھ سے جدا ہوا
لب سے لگا تو بھول گئے ہم غم حیات
ساغر میں کوئی تجھ سا حسیں ہے چھپا ہوا
پی ہم نے خوب عرشؔ کشید نگاہ و دل
کس میکدے کا در تھا جو ہم پر نہ وا ہوا
Ek teri be-rukhi se zamana khafa hua
Ek teri be-rukhi se zamana khafa hua
Ae sang-e-dil tujhe bhi khabar hai ke kya hua
Daryoza-gar samajh ke tu thi multafit-e-hayat
Woh yooN kaho ke daaman-e-dil hi na wa hua
Dooba kuchh is tarah se mera aftaab-e-dil
Sab kuchh hua yeh phir na sehar-ashna hua
YooN us ke dar pe baithe hain jaise yahin ke hooN
Haaye yeh dard-e-ishq jo zanjeer-e-pa hua
Chheeni hai ishq ne tab-o-taab-e-dimagh-o-dil
MaiN kaise shah zor se zor-aazma hua
Ghar se chalo to baaNdh ke sar se kafan chalo
Shehar-e-wafa se dasht-e-fana hai mila hua
Dil de ke khush hooN maiN ke hifazat ka gham gaya
Tujh se qareeb hai woh jo mujh se juda hua
Lab se laga to bhool gaye hum gham-e-hayat
Saaghar mein koi tujh sa haseeN hai chhupa hua
Pi hum ne khoob Arsh kashid-e-nigah-o-dil
Kis maikade ka dar tha jo hum par na wa hua
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں