غم کی گرمی سے دل پگھلتے رہے — عرش صدیقی
شاعر
غم کی گرمی سے دل پگھلتے رہے
غم کی گرمی سے دل پگھلتے رہے
تجربے آنسوؤں میں ڈھلتے رہے
ایک لمحے کو تم ملے تھے مگر
عمر بھر دل کو ہم مسلتے رہے
صبح کے ڈر سے آنکھ لگ نہ سکی
رات بھر کروٹیں بدلتے رہے
زہر تھا زندگی کے کوزے میں
جانتے تھے مگر نگلتے رہے
دل رہا سر خوشی سے بیگانہ
گرچہ ارماں بہت نکلتے رہے
اپنا عزم سفر نہ تھا اپنا
حکم ملتا رہا تو چلتے رہے
زندگی سر خوشی جنوں وحشت
موت کے نام کیوں بدلتے رہے
ہو گئے جن پہ کارواں پامال
سب انہی راستوں پہ چلتے رہے
دل ہی گر باعث ہلاکت تھا
رخ ہواؤں کے کیوں بدلتے رہے
ہو گئے خامشی سے ہم رخصت
سارے احباب ہاتھ ملتے رہے
ہر خوشی عرشؔ وجہ درد بنی
فرش شبنم پہ پاؤں جلتے رہے
Gham ki garmi se dil pighalte rahe
Gham ki garmi se dil pighalte rahe
Tajurbe aansuon mein dhalte rahe
Ek lamhe ko tum mile the magar
Umr bhar dil ko hum masalte rahe
Subah ke dar se aankh lag na saki
Raat bhar karwatein badalte rahe
Zehr tha zindagi ke koze mein
Jaante the magar nighalte rahe
Dil raha sarkhushi se begana
Garcha armaan bahut nikalte rahe
Apna azm-e-safar na tha apna
Hukm milta raha to chalte rahe
Zindagi sarkhushi junoon wahshat
Maut ke naam kyun badalte rahe
Ho gaye jin pe carvaan paamal
Sab unhi raaston pe chalte rahe
Dil hi gar baais-e-halakat tha
Rukh hawaon ke kyun badalte rahe
Ho gaye khamoshi se hum rukhsat
Saare ahbab haath malte rahe
Har khushi Arsh wajah-e-dard bani
Farsh-e-shabnam pe paaon jalte rahe
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں