حصار دل سے ادھر بھی حقیقتیں ہیں بہت — عرش صدیقی
شاعر
حصار دل سے ادھر بھی حقیقتیں ہیں بہت
حصار دل سے ادھر بھی حقیقتیں ہیں بہت
ترے بغیر بھی جینے کی صورتیں ہیں ہیں
ترے غرور کو ہم سے شکایتیں ہیں بجا
ہم آدمی ہیں ہمیں پست عادتیں ہیں بہت
جو تیری طرز جفا سے ہمارا حال ہوا
زباں پہ لائیں یہ اس میں قباحتیں ہیں بہت
اگر ہے باعث وحشت تجھے ہمارا جنوں
ہمیں بھی تیری ادا سے شکایتیں ہیں بہت
غلط کہ ملنے میں ہے فاصلے کا خوف تجھے
کہ آج کل تو سفر میں سہولتیں ہیں بہت
مجھے تو چھوڑ گیا راہ میں تو ٹھیک ہوا
کہ پا شکستہ تھا میں اور مسافتیں ہیں بہت
زبان کھول کے اس بزم میں خراب ہوئے
سوال ایک تھا لیکن وضاحتیں ہیں بہت
کسے سنیں تو کریں کس سے ہم گریز کہ یاں
ہر اک زباں پہ غموں کی حکایتیں ہیں بہت
ہمیں عذاب قیامت کا کوئی خوف نہیں
کہ اس سے بڑھ کے جہاں میں قیامتیں ہیں بہت
ملے یہ لوگ تو کیوں اور لوگ کیوں نہ ملے
جواب کوئی نہیں ہے بجھارتیں ہیں بہت
نہیں ہے آج کی تنہائیوں سے ہول ہمیں
کہ دل پہ نقش جوانی کی صورتیں ہیں بہت
کس احتیاط سے اے عرشؔ اس کو صرف کریں
متاع عمر ہے کم اور چاہتیں ہیں بہت
Hisar-e-dil se idhar bhi haqiqatein hain bahut
Hisar-e-dil se idhar bhi haqiqatein hain bahut
Tere baghair bhi jeene ki sooratein hain bahut
Tere ghuroor ko hum se shikayatein hain baja
Hum aadmi hain hamein past aadatein hain bahut
Jo teri tarz-e-jafa se hamara haal hua
Zubaan pe laayein ye is mein qabahaatein hain bahut
Agar hai baais-e-wahshat tujhe hamara junoon
Hamein bhi teri ada se shikayatein hain bahut
Ghalat ke milne mein hai faasle ka khauf tujhe
Ke aaj kal to safar mein sahoolatein hain bahut
Mujhe to chhod gaya raah mein to theek hua
Ke paa-shikasta tha main aur masaafatein hain bahut
Zubaan khol ke is bazm mein kharab hue
Sawal ek tha lekin wazahatein hain bahut
Kise sunein to karein kis se hum gurez ke yahan
Har ek zubaan pe ghammon ki hikayatein hain bahut
Hamein azaab-e-qayamat ka koi khauf nahin
Ke is se badh ke jahan mein qayamatein hain bahut
Mile ye log to kyun aur log kyun na mile
Jawab koi nahin hai bujhaartein hain bahut
Nahin hai aaj ki tanhaiyon se haul hamein
Ke dil pe naqsh-e-jawani ki sooratein hain bahut
Kis ehtiyat se ai Arsh is ko sarf karein
Mataa-e-umr hai kam aur chahatein hain bahut
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں