ہم حد اندمال سے بھی گئے — عرش صدیقی
شاعر
ہم حد اندمال سے بھی گئے
ہم حد اندمال سے بھی گئے
اب فریب خیال سے بھی گئے
دل پہ تالا زبان پر پہرا
یعنی اب عرض حال سے بھی گئے
جام جم کی تلاش لے ڈوبی
اپنے جام سفال سے بھی گئے
خوف کم مائیگی برا ہو ترا
آرزوئے وصال سے بھی گئے
شورش زندگی تمام ہوئی
گردش ماہ و سال سے بھی گئے
یوں مٹے ہم کہ اب زوال نہیں
شوق اوج کمال سے بھی گئے
ہم نے چاہا تھا تیری چال چلیں
ہائے ہم اپنی چال سے بھی گئے
حسن فردا خیال و خواب رہا
اور ماضی و حال سے بھی گئے
ہم تہی دست وقف غم ہیں وہی
تنگنائے سوال سے بھی گئے
سجدہ بھی عرشؔ ان کو کر دیکھا
اس رہ پائمال سے بھی گئے
Hum had-e-indimal se bhi gaye
Hum had-e-indimal se bhi gaye
Ab fareb-e-khayal se bhi gaye
Dil pe taala zabaan par pehra
Yaani ab arz-e-haal se bhi gaye
Jaam-e-jam ki talaash le doobi
Apne jaam-e-sifaal se bhi gaye
Khauf-e-kum-maayagi bura ho tera
Aarzoo-e-visaal se bhi gaye
Shoreesh-e-zindagi tamaam hui
Gardish-e-maah-o-saal se bhi gaye
Yoo'n mite hum ke ab zawal nahin
Shauq-e-auj-e-kamaal se bhi gaye
Hum ne chaha tha teri chaal chalein
Haaye hum apni chaal se bhi gaye
Husn-e-farda khayal-o-khwab raha
Aur maazi-o-haal se bhi gaye
Hum tehi-dast-e-waqf-e-gham hain wahi
Tangnay-e-sawaal se bhi gaye
Sajda bhi Arshؔ un ko kar dekha
Is rah-e-paayemaal se bhi gaye
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں