ہم کبھی چشم زمانہ میں نہ پنہاں ہوں گے — عرش صدیقی
شاعر
ہم کبھی چشم زمانہ میں نہ پنہاں ہوں گے
ہم کبھی چشم زمانہ میں نہ پنہاں ہوں گے
ہم ہر اک دور میں ہر دل میں نمایاں ہوں گے
درد بن کر نفس جاں میں سما جائیں گے
سوز بن کر حرم دل میں فروزاں ہوں گے
ہم خزاں ہو کے بھی ہیں رونق بزم عالم
ہم نہ ہوں گے تو کہاں جشن بہاراں ہوں گے
ہم جلیں گے کہ ترے نام کی لو روشن ہو
ہم بہ ہر رنگ تری زیست کا ساماں ہوں گے
سوزش درد میں ہے عرشؔ قیامت پنہاں
وہ بھی کیا ہوں گے جو اس درد کا درماں ہوں گے
Hum kabhi chashm-e-zamana mein na pinhaan honge
Hum kabhi chashm-e-zamana mein na pinhaan honge
Hum har ek daur mein har dil mein numayaan honge
Dard ban kar nafas-e-jaan mein sama jayenge
Soz ban kar haram-e-dil mein furozan honge
Hum khizaan ho ke bhi hain raunaq-e-bazm-e-aalam
Hum na honge to kahan jashn-e-bahaaraan honge
Hum jalenge ke tere naam ki lau roshan ho
Hum ba-har rang teri zeest ka saamaan honge
Sozish-e-dard mein hai Arsh-e-qayamat pinhaan
Woh bhi kya honge jo is dard ka darmaan honge
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں